- Ба ҳамаи модарон орзуи хушбахтӣ дорам. Модарҷони азизу меҳрубони худро низ табрик мекунам. Бигзор ҳамеша сиҳату саломат ва дуогӯи мо - фарзандон бошанд. Ҳеҷ гоҳ дарду ғамро набинанд. Ба модарам як даста гули қашангу як суруди беҳтаринамро ҳадя мекунам.




- Беҳтарин туҳфа фикр мекунам, ки барои ҳар зан-модар як даста гул аст. Ман ба модарҷонам як гулдаста аз гармхонаи худамон месозам ва туҳфа мекунам.
Худованд накҳат аз гул, нӯш аз ангубин, гармӣ аз офтоб, борон аз абр, равшанӣ аз субҳ, зебои аз баҳору хушилҳомӣ аз андалебро ҷамъ оварду занро офарид, то ҷаҳонро равшану инсониятро хушбахт бигардонад. Ҳамин тавр ҳам шуд. Идатон муборак, модарони азиз!



- Модарам дар деҳа аст. Худам дар шаҳри Душанбе. Беҳтарин тӯҳфа барои модар дидори фарзандаш аст. Аммо вақт медонад, ки дар рӯзи идаш ба дидораш мерасам ё не. Аз маоши ночизам барояш медиҳам ва табрикаш мекунам. Шеъри наве барояш мехонам, орзуҳои нек мекунам. То рӯзи 8-уми март сарояндае як шеърамро, ки дар мавзӯи модар аст, ба оҳанг медарорад. Ин туҳфаи имсолаи ман ба модари азизам аст.