Имрӯз бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар Кумитаи телевизион ва радиои назди Ҳукумати кишвар ҷиҳати беҳтар расонидани паҳлуҳои муҳими Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” мулоқот доир гардид.

Дар он Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Нуриддин Саид, раиси Кумитаи телевизион ва радиои назди Ҳукумати кишвар иштирок намуданд.

Мулоқотро Нуриддин Саид, раиси КТР оғоз бахшида, меҳмононро хайрамақдам гуфт.

Баъдан, Абдулло Раҳмонзода, раиси КҶВ зинми баромади хеш, ки маҳаки асосияш таҳлилу баррасии паҳлуҳои асосии Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” буд, чунин таъкид кард:

- Ин қонун бо ташаббус ва пешниҳоди бевоситаи Раиси Маҷлиси миллии Маҷлиси Олии Ҷумҳурии Тоҷикистон, раиси шаҳри Душанбе муҳтарам Рустами Эмомалӣ амалӣ гашта истодааст. Мо имрӯз бо ифтихор мегӯем, ки ин қонун сирф идеяи тоза буда, дар дигар давлатҳо ба чунин шакл вуҷуд надорад. Аз ин рӯ, метавон гуфт, ки он сеюмин Қонуни миллии мост.

Дар идомаи мулоқот вобаста ба паҳлуҳои дигари қонуни мазкур, зарурати он дар шароити ҷаҳонишавӣ ва бархӯрди тамаддунҳо ибрози назар карда шуд.

Дар охир ба як қатор кормандони Кумитаи телевизион ва радиои назди Ҳукумати кишвар Cипосномаи КҶВ супорида шуд.