ҶОМЕА
Сешанбе 25 Апрел 2017 02:00
405

Соли 2015 кормандони “Тоҷикстандарт” маҳсулоти хӯроквории муҳлати истеъмолиашон гузашта, талаботи ҳуҷҷатҳои меъёрӣ-техникӣ ва ба регламентҳои техникӣ ҷавобгӯй набударо ба миқдори 3602,2 тонна аз нуқтаҳои савдо мусодира кардаанд.

Ибодулло Карим, директори “Тоҷикистандарт”, 15 январ зимни нишасти матбуотӣ зикр кард, ки маҳсулоти бесифат ва ғайристандартӣ бо роҳҳои гуногун вориди марказҳои савдо ва ё бозорҳо мешаванд. «Мо дар як сол танҳо ду маротиба ҳуқуқи санҷидани маҳсулоти бозорро дорем. Ҳамчунин, мо наметавонем маҳсулотеро, ки дар анбор нигоҳ дошта мешавад, аз санҷиш гузаронем. Соҳибкороне ҳилагар аз ин истифода бурда, маҳсулоти пастсифаташонро баъд аз санҷиши мо бароварда мефурӯшанд. Ҳамаи ин баёнгари он аст, ки то имрӯз маърифати ҳуқуқии мизоҷон ва масъулияти фурӯшандаҳо устувор нест”.

Дар натиҷаи санҷиш 16150 кило маҳсулоти сохтмонӣ бо тамғаи қалбакии «Алинекс» дарёфт ва аз муомилот гирифта шуд. Нисбат ба соҳибкороне, ки ба қонуншиканӣ роҳ додаанд, 7 парвандаи ҳуқуқвайронкунии маъмурӣ тартиб дода шуд. Бо дархости ҶДММ «Сардор 2008», ки ба истеҳсоли донаҳои офтобпараст бо тамғаи «Симба» машғул мебошад, аз бозори истеъмолӣ маҳсулоти қалбакии корхонаи мазкур аз муомилот гирифта шуд. Дар ин давра ба миқдори 6000 дона борҷома бо тамғаи молии ҶСК «Ширин» бо номгӯи «Сумая» барои маҳсулоти нонӣ, ки аз тарафи соҳибкори инфиродӣ Расулова ғайриқонунӣ истифода шудааст, аз муомилот гирифта шуд. Ҳамзамон, тибқи дархости ҶДММ «Ёзон тоҷ» аз бозори истеъмолии шаҳри Душанбе 437 дона хамиртуруши қалбакӣ ошкор гардид. Дар асоси дархости ҶДММ «Xenkel Bautechnic Kazakhstan» оид ба истифодаи тамғаи молии ин ширкат дар ширешҳои тамғаи «Момент» корҳои санҷишӣ ва назоратӣ гузаронида шуда, 2123 адад маҳсулоти қалбакӣ ба муомилот роҳ дода нашуд.

Эзоҳи худро нависед



Рамзҳо дар расм