Дар шаш моҳи соли равон бақайдгирии давлатии бекор кардани ақди никоҳ 7 ҳазору 265 ҳолатро ташкил медиҳад, ки ин нисбат ба ҳамин давраи соли гузашта 789 ҳолат зиёд мебошад.

Дар ин бора 2 август Қурбонзода Ҳилолбӣ, раиси Кумитаи кор бо занон ва оилаи назди Ҳукумати Ҷумҳурии Тоҷикистон зимни нишасти хабарӣ иттилоъ дод.
Номбурда дар идома гуфт, ки асосан дар муҳоҷирати меҳнатӣ қарор доштани ҳамсарон, бемории яке аз ҳамсарон, бефарзандӣ, зӯроварии хонаводагӣ, номувофиқатии муносибатҳои аъзоёни хонавода, дахолати шахсони сеюм, гирифтани шаҳрвандии Русия сабабҳои аслии афзоиши бекор кардани ақди никоҳ арзёбӣ мегарданд.