ҶОМЕА
Шанбе 27 Апрел 2024 09:55
30 сентябр дар меҳмонхонаи “Атлас”-и шаҳри Душанбе оид ба бемории сил ҳамоиш баргузор гардид.
Мақсад аз баргузории чорабинӣ паст кардани фишори бемории сил, дастрасии ҳарчи бештари аҳолӣ ба хизматрасониҳо оид ба ташхису табобати ин беморӣ буда, атрофи ин мавзуъ маърӯзаҳо, андешарониҳо ва хулосабарориҳо сурат гирифт.
Чорабинии мазкур бо ташаббуси лоиҳаи USAID оид ба барҳам додани бемории сил дар Осиёи Марказӣ ва бо иштироки намояндагони воситаҳои ахбори оммаи пойтахт ва намояндагон аз шаҳру вилоятҳо тариқи онлайн доир гардида, дар он масъалаи беҳтар намудани сифати хизматрасониҳо дар мавриди ташхис ва табобати бемории сил ва ба ин васила баланд бардоштани иқтидори муассисаҳои табобатии дар ҳудуди Осиёи Миёна фаъолиятдошта, мавриди баррасӣ қарор дода шуд.
Тавре намояндаи лоиҳа дар Тоҷикистон Ҷамила Исмоилова иброз дошт: “Имрӯз таваҷҷуҳи ҷомеаи ҷаҳонӣ ба пешгирӣ аз паҳншавии бемории сироятии Ковид-19 равона гардидааст, аммо набояд бемориҳои дигари сироятиро низ сарфи назар намуд, чун хатари ин бемориҳо низ на камтар аз бемории ҳамагири коронавируси нав аст. Сил бемории сироятӣ буда, аз шахси бемор бо роҳи ҳавоӣ ба атрофиён мегузарад. Шахси бемор ҳангоми гуфтугӯ, сулфа, атса задан, туф кардани балғам аз шушҳои худ миқдори зиёди микробактерияҳоро ба фазои атроф паҳн мекунад. Як беморе, ки ба табобат фаро гирифта нашудааст, метавонад дар 1 сол 10-15 нафари дигарро гирифтори ин беморӣ кунад. Бемории сил ирсӣ набуда, ҳангоми истеъмоли об ё ғизо, муошират, истифодаи муштараки зарфҳои хӯрокхӯрӣ, сару либос ва дигар лавозимоти рӯзгор сироят намекунад. Сари вақт муроҷиат накардан ба табиб ва истифодаи нодурусти тавсияҳои табиб барои муолиҷаи саривақтии беморӣ монеъ мегардад”.
Шароити иқтисодӣ, иқлими номуносиб (93% -и ҳудуди Тоҷикистонро кӯҳҳо ташкил медиҳад), муҳоҷирати меҳнатӣ аз омилҳои асосии мусоидаткунанда ба афзоиши бемории сил дониста шуданд. Аммо бо вуҷуди ин аз он изҳори қаноатмандӣ карда шуд, ки шумораи гирифторони бемории сил дар мамлакат нисбати солҳои пешин рӯ ба коҳишёбӣ ниҳодааст. Таҳлилҳои оморӣ нишон медиҳанд, ки соли 2018 дар мамлакат 5975 ҳолати гирифторшавӣ ба бемории сил ба қайд гирифта шуд, ки соли 2017 ин шумора 6279-ро ташкил дода буд. Шумораи фавтидагон низ коҳиш ёфтааст.
Ҷовид Муқим, устоди Донишгоҳи миллии Тоҷикистон дар мавзӯи “Меъёрҳои ахлоқӣ ва масъулияти журналист ҳангоми инъикоси масоили гирифторони бемории сил” баромад намуда, аз ҷумла қайд намуд, ки воқеънигорӣ асоси фаъолияти журналистон маҳсуб шуда, адолати иҷтимоиро дар ҷомеа таъмин менамояд. Номбурда аз ҷумла таъкид намуд, ки журналист ҳангоми омода намудани маводҳо бояд аз доираи меъёрҳои ахлоқию касбие, ки аз арзишҳои умумибашарӣ ва меъёрҳои ахлоқӣ сарчашма мегиранд, берун набарояд.
Таъкид гардид, ки минбаъд табобати бемории сил тавассути таъмини мутахассисони ботаҷриба ва ҳавасманд дар ташхисгоҳҳо ва муассисаҳои тиббӣ, инчунин дастрасӣ ба маводи доруворӣ ва хизматрасониҳо беҳтар хоҳад шуд. Ҳамчунин ҷиҳати паст кардани доғгузорӣ (стигма) нисбати беморони сил, табобати муваффақонаи онҳо тадбирҳои судманд андешида мешавад.
Мақсад аз баргузории чорабинӣ паст кардани фишори бемории сил, дастрасии ҳарчи бештари аҳолӣ ба хизматрасониҳо оид ба ташхису табобати ин беморӣ буда, атрофи ин мавзуъ маърӯзаҳо, андешарониҳо ва хулосабарориҳо сурат гирифт.
Чорабинии мазкур бо ташаббуси лоиҳаи USAID оид ба барҳам додани бемории сил дар Осиёи Марказӣ ва бо иштироки намояндагони воситаҳои ахбори оммаи пойтахт ва намояндагон аз шаҳру вилоятҳо тариқи онлайн доир гардида, дар он масъалаи беҳтар намудани сифати хизматрасониҳо дар мавриди ташхис ва табобати бемории сил ва ба ин васила баланд бардоштани иқтидори муассисаҳои табобатии дар ҳудуди Осиёи Миёна фаъолиятдошта, мавриди баррасӣ қарор дода шуд.
Тавре намояндаи лоиҳа дар Тоҷикистон Ҷамила Исмоилова иброз дошт: “Имрӯз таваҷҷуҳи ҷомеаи ҷаҳонӣ ба пешгирӣ аз паҳншавии бемории сироятии Ковид-19 равона гардидааст, аммо набояд бемориҳои дигари сироятиро низ сарфи назар намуд, чун хатари ин бемориҳо низ на камтар аз бемории ҳамагири коронавируси нав аст. Сил бемории сироятӣ буда, аз шахси бемор бо роҳи ҳавоӣ ба атрофиён мегузарад. Шахси бемор ҳангоми гуфтугӯ, сулфа, атса задан, туф кардани балғам аз шушҳои худ миқдори зиёди микробактерияҳоро ба фазои атроф паҳн мекунад. Як беморе, ки ба табобат фаро гирифта нашудааст, метавонад дар 1 сол 10-15 нафари дигарро гирифтори ин беморӣ кунад. Бемории сил ирсӣ набуда, ҳангоми истеъмоли об ё ғизо, муошират, истифодаи муштараки зарфҳои хӯрокхӯрӣ, сару либос ва дигар лавозимоти рӯзгор сироят намекунад. Сари вақт муроҷиат накардан ба табиб ва истифодаи нодурусти тавсияҳои табиб барои муолиҷаи саривақтии беморӣ монеъ мегардад”.
Шароити иқтисодӣ, иқлими номуносиб (93% -и ҳудуди Тоҷикистонро кӯҳҳо ташкил медиҳад), муҳоҷирати меҳнатӣ аз омилҳои асосии мусоидаткунанда ба афзоиши бемории сил дониста шуданд. Аммо бо вуҷуди ин аз он изҳори қаноатмандӣ карда шуд, ки шумораи гирифторони бемории сил дар мамлакат нисбати солҳои пешин рӯ ба коҳишёбӣ ниҳодааст. Таҳлилҳои оморӣ нишон медиҳанд, ки соли 2018 дар мамлакат 5975 ҳолати гирифторшавӣ ба бемории сил ба қайд гирифта шуд, ки соли 2017 ин шумора 6279-ро ташкил дода буд. Шумораи фавтидагон низ коҳиш ёфтааст.
Ҷовид Муқим, устоди Донишгоҳи миллии Тоҷикистон дар мавзӯи “Меъёрҳои ахлоқӣ ва масъулияти журналист ҳангоми инъикоси масоили гирифторони бемории сил” баромад намуда, аз ҷумла қайд намуд, ки воқеънигорӣ асоси фаъолияти журналистон маҳсуб шуда, адолати иҷтимоиро дар ҷомеа таъмин менамояд. Номбурда аз ҷумла таъкид намуд, ки журналист ҳангоми омода намудани маводҳо бояд аз доираи меъёрҳои ахлоқию касбие, ки аз арзишҳои умумибашарӣ ва меъёрҳои ахлоқӣ сарчашма мегиранд, берун набарояд.
Таъкид гардид, ки минбаъд табобати бемории сил тавассути таъмини мутахассисони ботаҷриба ва ҳавасманд дар ташхисгоҳҳо ва муассисаҳои тиббӣ, инчунин дастрасӣ ба маводи доруворӣ ва хизматрасониҳо беҳтар хоҳад шуд. Ҳамчунин ҷиҳати паст кардани доғгузорӣ (стигма) нисбати беморони сил, табобати муваффақонаи онҳо тадбирҳои судманд андешида мешавад.
Хабарҳои дигар
Рӯзнома
Эзоҳи худро нависед