Бо ибтикори муассисаи давлатии “Мактаби варзишӣ” - и ноҳияи Данғара мусобиқаи кушод оид ба гӯштини миллӣ миёни наврасони солҳои таваллудашон 2012 - 2014 баргузор гардид.

Дар ин бора Раёсати кор бо ҷавонон ва варзиши вилояти Хатлон хабар медиҳад.

Чорабинии мазкур бахшида ба 33- солагии Истиқлоли давлатии Ҷумҳурии Тоҷикистон дар Маҷмааи Варзишии ноҳияи Данғара баргузор гардид.

Гуфта мешавад, ки ин мусобиқа дар доираи нақша - чорабиниҳои Раёсати кор бо ҷавонон ва варзиши вилояти Хатлон ба роҳ монда шудааст.

Бояд гуфт, ки мақсад аз баргузории чунин мусобиқаҳо рушди бемайлони соҳаи варзиш, ҷалби наврасону ҷавонон ва дигар табақаи ҷомеа ба варзиш ва таъмини оммавияти он дар шаҳру навоҳии кишвар ба ҳисоб меравад.