ҶОМЕА
Панҷшанбе 30 Июн 2022 08:56
8763
Имрӯз дар Гимназияи №4-и пойтахт бо ташаббуси Мақомоти иҷроияи ҳокимияти давлатии шаҳри Душанбе ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Раёсати кор бо ҷавонон ва варзиши пойтахт ба муносибати Рӯзи ҷавонони Тоҷикистон ҳамоиши гирандагони Стипендияи президентӣ таҳти унвони “Ҷавонон пайравони Пешвои миллат” баргузор гардид.

Дар ҳамоиш Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Дилбар Одилзода, муовини раиси шаҳри Душанбе, Шоҳзод Раҳимзода, сардори Раёсати кор бо ҷавонон ва варзиши шаҳри Душанбе, Баҳром Исмоилзода, сардори Сарраёсати маорифи шаҳри Душанбе, гирандагони Стипендияи президентӣ ва ҷавонони фаъол иштирок ва суханронӣ намуданд.

Абдулло Раҳмонзода, раиси КҶВ зимни баромади хеш иброз дошт: “Дар пайи дастгириҳои доимӣ ва таваҷҷуҳи хоссаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз дар кишвар 3000 нафар гирандагони Стипендияи президентӣ мебошанд, ки беш аз 300 адади он ба хонандагони муассисаҳои таълимии ҳудуди шаҳри Душанбе рост омадааст. Дар доираи ин ташаббус Мақомоти иҷроияи ҳокимияти давлатии шаҳри Душанбе 200 адад стипендияи раиси шаҳр ва беш аз 100 адад стипендияи раисони ноҳияҳои шаҳри Душанбе таъсис дода шуд, ки барои дарёфти он ҳамасола шумораи зиёди довталабон талош менамоянд”.

Дар идомаи ҳамоиш гирандагони стипендияи мазкур баромад намуда, сипос ва миннатдории худро ба Пешвои миллат муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ баён намуданд.

Таҳмина ЮСУФОВА, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

Июн 2022 c.