Дар пойтахти кишвар якумин Намоишгоҳи байналмилалии сайёҳии Душанбе(Dushanbe International Tourism Exhibition – DITE 2024) баргузор мегардад. Намоишгоҳ аз 25 то 27 сентябр доир мешавад.

Тибқи иттилои шуъбаи сайёҳии Мақомоти иҷрояи ҳокимияти давлатии шаҳри Душанбе, чорабинӣ дар Маркази ЭКСПО баргузор гардида, барои намояндагони саноати сайёҳӣ, соҳибкорону сармоягузорон ва сайёҳон аз кишварҳои гуногуни ҷаҳон рӯйдоди калидӣ хоҳад буд.

Иштирокчиёни якумин Намоишгоҳи байналмилалии сайёҳии Душанбе беҳтарин маҳсулот ва хизматрасониҳои сайёҳии худро аз экотуризм то хатсайрҳои фарҳангӣ муаррифӣ намуда, ба маъруфияти Тоҷикистон ҳамчун маркази сайёҳии Осиёи Марказӣ мусоидат хоҳанд кард.

Гуфта мешавад, ки даромад ба ин чорабинӣ озод аст.