Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон хабар медиҳад, ки дар шаш моҳи соли ҷорӣ 84 нафар ҳангоми оббозӣ дар рӯду кӯлҳо ба ҳалокат расидаанд.

Рустам Назарзода, раиси кумитаи мазкур 26 июл зимни нишасти хабарӣ дар идомаи масъалаи мазкур иброз дошт, ки шумораи ҳалокшудагон ҳангоми оббозӣ нисбат ба соли гузашта, 15 адад бештар аст.

Ҳамзамон номбурда қайд кард, ки аз 84 нафар, 7 нафар кӯдакони то 4-сола, 15 нафар аз 5 то 10-сола, 24 нафар аз 11 то 16-сола, 27 нафар аз 17 то 35 ва 11 нафари дигар болотар аз 35 -сола мебошанд.