Имрӯз Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи матбуот ва табрики аҳли қалам ба идораи муассисаи давлатии рӯзномаи “Ҷавонони Тоҷикистон” ташриф оварданд.

Дар ҷараёни вохурӣ раиси кумита аҳли эҷоди рӯзномаро ба Рӯзи матбуот ва иди касбии рӯзноманигорони кишвар шодбош гуфта, аз эшон ҷиҳати воқеъбинона инъикос кардани ҳаёти ҷомеа ва дар ин замина тарғиби густурдаи сиёсати давлатии кор бо ҷавонон ва варзиш сипосгузорӣ кард.

Ӯ аз ҷумла қайд кард, ки имрӯз матбуот ягона василаи таъсиррасон миёни ҷомеа буда, танҳо бо дуруст ба роҳ мондани ин бахши муҳим метавон, дар муаррифии давлату миллат ва гиромидошти ҳама арзишҳо дастболо шуд.

Дар идомаи вохурӣ як қатор кормандони рӯзнома барои саҳми арзанда гузоштанашон дар рушдти матбуоти кишвар, тарғибу ташвиқи сиёсати давлатии кор бо ҷавонон ва варзиш ва ташаккули маънавиёти ҷомеа ва ҳамзамон ба муносибати 109- солагии Рӯзи матбуот бо Ифтихорнома ва Сипосномаҳои кумита қадрдонӣ шуданд. Аз ҷумла Шодихони Назар, сармуҳаррири рӯзнома бо Ифтихорномаи КҶВ, Толибшоҳи Давлат, муҳаррири масъул, Рустам Одинаев, Наҷиба Муродбекова ва Фарзонаи Умаралӣ бо сипосномаҳои КҶВ қадрдонӣ шуданд.