Соли 2022 фурудгоҳҳои байналмилалии Тоҷикистон ба зиёда аз 3,1 млн. мусофир хизмат расонидааст, ки ин дар қиёс ба як соли пеши 2021 қариб 2 баробар зиёд мебошад.

Дар ин бора Дилшод Сафарзода, директори Агентии авиатсияи граждании назди Ҳукумати Ҷумҳурии Тоҷикистон имрӯз зимни нишасти хабарӣ иттилоъ дод.

Ба гуфти ӯ теъдоди мусофирон дар фурудгоҳҳои байналмилалии кишвар соли гузашта беш аз 1,5 млн. нафар афзудааст. Қисмати бештари мусофирон - зиёда аз 1,7 млн. нафар ба Фурудгоҳи байналмилалии Душанбе ва беш аз 900 ҳазор нафар ба Фурудгоҳи байналмилалии Хуҷанд рост меоянд.