Бо ташаббуси Раёсати кор бо ҷавонон ва варзиши вилояти Суғд, дар арафаи таҷлили соли нави мелодӣ барои огоҳ гардидан аз ҳолу аҳволи ҷавонони маъюбу ниёзманд ва расонидани кӯмакҳои моддӣ ба онҳо дар шаҳри Конибодом аёдати ҷавонони имконияташон маҳдуд баргузор гардид.

Дар рафти аёдат гуфта шуд, ки Ҳукумати мамлакат барои дастгирии қишри ниёзманди ҷомеа иқдомҳои заруриро амалӣ намуда, ҷавонони имконияташон маҳдудро доимо дастгирӣ менамояд. 

Пас аз дидорбинӣ волидони ҷавонони ниёзманд аз таваҷҷуҳи мақомоти давлатӣ изҳори хушнудӣ намуда, миннатдории худро ба Пешвои миллат, муҳтарам Эмомалӣ Раҳмон баён доштанд.