27-уми август зери ин унвон дар доираи нақшаи чорабиниҳои Бахши кор бо ҷавонон ва варзиши шаҳри Истаравшан дар толори МИҲД - и шаҳри Истаравшан мулоқоти судманд оид ба иштироки аъзоёни филиали Иттифоқи ҷавонони Тоҷикистон дар маъракаи сиёсии интихоботи президентӣ доир гардид.

Дар ҷамъомад муовини раиси шаҳр Наимҷонзода Нигора, сардори ШВКД дар шаҳр Ҷамшед Саидмуродхоҷа , корманди КДАМ ҶТ дар шаҳр Алишер Ғозиев , мудири Бахши кор бо ҷавонон ва варзиши шаҳр Ҳотамзода Аскар, аъзоёни созмони ҷавонони ҲХДТ дар шаҳр, варзишгарони клуб ва федератсияҳои варзишӣ, кормандони муассисаҳои таълимии шаҳр ва дигар аъзоёни ФИҶТ- и шаҳри Истаравшан иштирок намуданд

Муовини раиси шаҳр Наимҷонзода Нигора оид ба масъалаҳои мубрами рӯз, аз ҷумла пешгирии паҳншавии мавҷи дуввуми СОVID-19 сухан ронда, ба иштирок ва фаъолнокии аъзоёни ФИҶТ дар пешгирии ин беморӣ баҳои баланд дод.

Мудири Бахши кор бо ҷавонон ва варзиши шаҳри Истаравшан Ҳотамзода Аскар оид ба вазифаҳои минбаъдаи намояндагиҳои ФИҶТ дар татбиқи сиёсати ҷавонон дар маҳал баромад намуда, ҷиҳати пешгирии ҷинояткорӣ байни ҷавонон, ҳиссаи аъзоёни ташкилот дар таъмини амният ва тарбияи насли наврас дар рӯҳияи ватанпарастӣ як қатор дастурҳоро пешкаш намуд.

Дар рафти маҷлис аз ҳисоби аъзоёни ташкилот гурӯҳи ихтиёрон таъсис дода шуда, баҳри ҷалби онҳо ба корҳои ҷамъиятӣ маслиҳатҳо дода шуд.