Мақомоти иҷроияи ҳокимияти давлатии шаҳри Кӯлоб ҷиҳати сазовор таҷлил намудани ҷашни 28 –солагии Истиқлолияти давлатии Ҷумҳурии Тоҷикистон бо ҷалби соҳибкорону саховатмандон баҳри таъмиру азнавсозии роҳҳои дохилишаҳрӣ корҳои назаррасро ба анҷом расонида истодаанд.

Дар маҳаллаи Ш. Шоҳин, назди бинои навбунёди “Модар ва кӯдак” роҳи пиёдагард ба маблағи 11210 сомонӣ дар масоҳати 190м2 сафолакпӯш карда шуда, инчунин роҳрави назди бино ба маблағи 15950 сомонӣ дар масоҳати 425 м2  мумфарш карда шуд.

Инчунин дар кӯчаи Пушкин назди ширкати  қаннодии “555” роҳи пиёдагард ба маблағи 2950 сомонӣ дар масоҳати 50 м2  сафолакпӯш  карда шуд. Аз ҳисоби ҶСШК “Шабакаҳои барқ”-и шаҳри Кӯлоб ба маблағи 18880 сомонӣ дар масоҳати 320 м2 роҳҳои  пиёдагарди кӯчаи Абдураҳмонов назди ҶСШК “Шабакаҳои барқ”-и шаҳр сафолакпӯш гардида, канорҳои бетонии роҳ (бардюрҳо) дар ҳаҷми 42 м2 сохта шуданд.

Хиёбони И. Сомонӣ назди мағозаи Бадахшон-хонаи “Бахт”, маҳаллаҳои Борбад назди бинои клиникаи “Хунгузаронӣ”, Ш. Шоҳин назди беморхонаи “Дил” ва назди  “Раёсати сохтмони асосӣ”  аз ҳисоби соҳибкорони маҳаллӣ ва ташкилоту муассисаҳо сафолакчинӣ карда шуданд, ки дар маҷмуъ, дар се моҳи соли равон  ба маблағи 190289 сомонӣ дар масоҳати 2957 м2 роҳҳои пиёдагард сафолакпӯш карда шуда,  дар назар аст, ки аз ҳисоби соҳибкор Шарипов Зафар 3000 м2 роҳи нақлиётгард мумфарш карда мешавад.