11 март зимни маросими бошукӯҳи таҷлили Рӯзи матбуоти тоҷик, ки дар Кохи Суруши шаҳри Душанбе бо иштироки намояндагони Дастгоҳи иҷроияи Президенти Ҷумҳурии Тоҷикистон, Вазорати фарҳанги кишвар ва ВАО-и мамлакат баргузор гардид, баробари дигар ҷоизадорон хабарнигори рӯзномаи “Ҷавонони Тоҷикистон” низ сазовори ҷоиза гардид.

Ҳошим Раҳматуллоев, хабарнигори рӯзнома, ки айни ҳол донишҷӯи соли сеюми факултети журналистикаи Донишгоҳи миллии Тоҷикистон мебошад, дар фазои идона бо Ҷоизаи Иттифоқи журналистони Тоҷикистон ба номи Воҳид Асрорӣ қадрдонӣ шуд.

Аҳли эҷоди рӯзнома дастоварди мазкурро ба Ҳошим Раҳматуллоев, хабарнигори пурталоши рӯзнома самимона шодбош гуфта, барояш дар ҷодаи қаламфарсоӣ дастовардҳои аз ин ҳам бештарро таманно доранд.