Дар соли 2022 аз ҷониби кормандони Хадамоти иҷрои назди Ҳукумати Ҷумҳурии Тоҷикистон ба манфиати модару кӯдак зиёда аз 39,9 млн. сомонӣ маблағи алимент ситонида шудааст.

Дар ин бора имрӯз - 6 феврал Саидвализода Барно, сардори Хадамоти иҷрои назди Ҳукумат зимни нишасти хабарӣ иттилоъ дода, афзуд, ки ин шумора нисбат ба ҳамин давраи соли гузашта 18,4 млн сомонӣ зиёд мебошад.

Номбурда ҳамчунин зикр кард, ки айни замон дар маҷмуъ 94 ҳазору 934 адад ҳуҷҷатҳои иҷро вобаста ба ситонидани маблағи алимент мавриди баррасӣ ва иҷрои иҷрочиён қарор дорад.

Ҳамзамон гуфта шуд, ки дар ин давра бо пешниҳоди иҷрочиён мақомоти прокуратура ба 538 нафар қарздорон барои саркашӣ намудан аз пардохти маблағи алимент парвандаи ҷиноятӣ кушодааст.