21 сентябр дар толори мақомоти иҷроияи ҳокимияти давлатии шаҳри Қӯрғонтеппа вохӯрии раиси шаҳр Исмоилзода Абдуалим бо соҳибкорони шаҳр доир гашт.

Зимни вохӯрӣ А. Исмоилзода дар бораи вазъи сармоягузорӣ дар Тоҷикистон ва дастгирии лоиҳаҳо, аз тарафи Кумитаи давлатии сармоягузорӣ ва амволи давлатии Ҷумҳурии Тоҷикистон ҷудо намудани қарзҳои боимтиёз барои соҳибкорон сухан гуфт.

Таъкид гардид, ки шаҳрдории Қӯрғонтеппа дар иртибот ба беҳдошти вазъи иҷтимоию иқтисодии сокинони шаҳр тадбирҳои мушаххас меандешад.

Дар вохӯрӣ шаҳрдори Қӯрғонтеппа таъкид намуд, ки Президенти мамлакат Эмомалӣ Раҳмон мунтазам дар вохӯриҳо ва суханрониҳои худ дар бораи дастгирии соҳибкорон ва рушди соҳибкорӣ сухан меронад.

Гуфта шуд, ки яке аз ҳадафҳои асосии шаҳрдорӣ баланд бардоштани фарҳанги шаҳрнишинӣ, сатҳи баланди хизматрасонӣ ба сокинон мебошад.

Умед МИРЗОЕВ, “ҶТ”