Имрӯз дар доираи нақшаи чорабиниҳои якҷояи Вазорати мудофиаи Ҷумҳурии Тоҷикистон бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва мақомоти иҷроияи ҳокимияти давлатии вилояти Суғд хизматчиёни ҳарбӣ аз макони таърихии "Қасри Арбоб"-и ноҳияи Бобоҷон Ғафуров дидан намуданд.

Бояд гуфт, ки чорабинии мазкур бахшида ба таҷлили истиқлоли давлатӣ аз санаи 27 то 29 августи соли 2024 дар шаҳру ноҳияҳои Хуҷанд, Бӯстон, Гулистон ва ноҳияи Б.Ғафурови вилояти Суғд бо ҷалби сарбозони ятими кул аз ҳисоби қисмҳои ҳарбии шаҳру ноҳияҳои вилояти мазкур доир шуда истодааст.

Дар рафти баргузории чорабинӣ генерал-майор, Раҳимзода Музаффар-муовини вазири мудофиаи Ҷумҳурии Тоҷикистон, Иброҳимзода Амир -сардори Раёсати тарбияи ватандӯстии дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва кормандони соҳа иштирок карданд.

Зимни боздид аз "Қасри Арбоб" таъкид гардид, ки дар ин толор Иҷлосияи тақдирсози XVI Шурои Олӣ баргузор гардида, ояндаи кишвар тарҳрезӣ шуд ва Президенти кишвар муҳтарам Эмомалӣ Раҳмон зимоми давлатдориро ба даст гирифтанд.

Гуфта шуд, ки ҳадаф аз баргузории чорабинӣ баланд бардоштани ҳисси худшиносиву худогоҳӣ, таҳкими ҳуввияти миллӣ, шиносоии хизматчиёни ҳарбӣ аз мавзеъҳои таърихию фарҳангӣ ва ба ҷо овардани қадршиносии сарбозон дар сафи Артиши миллӣ мебошад.