Агентии беҳдошти замин ва обёрии назди Ҳукумати Ҷумҳурии Тоҷикистон хизмати обрасониро нисбат ба ҳамин давраи соли гузашта 68,7 млн. метри мукааб зиёд кардааст.

Ин нуктаро имрӯз Раҳмон Холмуродзода, раиси агентии мазкур зимни нишасти хабарӣ иброз дошт.

Номбурда дар идома гуфт, ба ҳолати 1 июли соли ҷорӣ дар асоси дархост ва талабот ба истифодабарандагони об дар ҳаҷми 2073,1 млн. метри мукааб хизмати обрасонӣ шудааст. Арзиши обрасонӣ 39,69 млн. сомониро ташкил дод, ки нисбат ба ҳамин давраи соли гузашта 1,58 млн. сомонӣ зиёд аст.