Бахши тарбияи ватандӯстии Раёсати кор бо ҷавонон ва варзиш Вилояти Мухтори Кӯҳистони Бадахшон дар якҷоягӣ бо Раёсати Қувваҳои сарҳадии ҚДАМ дар якчанд қисмҳои ҳарбии отряди РҚС-КДАМ Ҷумҳурии Тоҷикистон дар шаҳри Хоруғ маҳфили “Дарҳои кушод” баргузор намуданд.

Дар ин бора аз Раёсати кор бо ҷавонон ва варзиши ВМКБ хабар доданд.

Бино ба иттилои манбаъ, ба маҳфил хонандагони Литсейи махсуси шаҳри Хоруғ барои хонандагони болаёқат, МТМУ №2 ва 3 - и шаҳри мазкур ҷалб гардида, зимни он масъулин бо хонандагон суҳбати озод намуданд ва кормандони қисми ҳарбӣ иштирокчиёнро бо вазъи хизмати ҳарбӣ ва шарту шароити он шинос карданд.

Дар идома масъулин ба наврасон оид ба масъалаҳои ҳифзи арзишҳои миллӣ, таҳкими ҳуввияти миллӣ, пос доштани Истиқлоли давлатӣ ва саҳмгузорӣ дар таъмини амният ва сулҳу субот, моҳияти Истиқлоли давлатӣ ва дастовардҳои он дар 33 соли соҳибистиқлолӣ ибрози назар карданд.