Бахшида ба Рӯзи байналмилалии оила дар Муассисаи таълимии Коллеҷи тиббии шаҳри Бохтар конфиренсияи илмӣ таҳти унвони “Ҳамеша бо ҳам бошед” баргузор гардид.

Чорабинии мазкур бо ташаббуси масъулини шуъбаи Раёсати асноди ҳолати шаҳрвандии Вазорати адлияи Ҷумҳурии Тоҷикистон дар вилояти Хатлон доир гардида, дар он масъалаҳои пешгирии парокандашавии оилаҳои ҷавон, зӯроварӣ дар оила ва бунёди оилаи солим аз ҷониби ҷавонон мавриди таҳлилу баррасӣ қарор гирифт.

Гуфта шуд, ки бояд ҷавонон ба ҳаёти мустақилона омода бошанду баъдан оиладор шаванд ва ҳамчун оилаи солим саҳми худро дар таҳкими муҳити зебои умр – оила гузоранд.