Бо ташаббуси Бахши кор бо ҷавонон ва варзиши ноҳияи Зафаробод дар ҳамбастагӣ бо дигар сохторҳои маҳаллии ноҳия 7-уми июл корҳои фаҳмондадиҳӣ оид ба пешгирии бемории сироятии COVID-19 миёни сокинони ноҳия гузаронида шуд.

Зимни суханрониҳо гуфта шуд, ки имрӯз ҷомеаи ҷаҳонӣ ба фоҷиаи аср-коронавирус рӯ ба рӯст. Коронавирус бемориест, ки ҳазорҳо инсон дар тамоми дунё аз он ба ҳалокат расиданд ва таъсири худро ба иқтисоди ҷаҳонӣ расонид. Мутаассифона , дар Тоҷикистон низ коронавирус пайдо шуд, вале хабари хушҳолкунанда он аст, ки бештари нафарони гирифтори ин беморӣ шифо ёфта, ба зиндагии муқаррарии хеш баргаштанд.

Бинобар ин сокинонро лозим аст, ки қоидаҳои беҳдоштӣ ва тавсияи табибонро риоя намоянду дар пешгирии ин беморӣ саҳми худро гузоранд.