Мутобиқ ба қарори Комиссияи марказии интихобот ва раъйпурсии Ҷумҳурии Тоҷикистон “Дар бораи ташкил кардани ҳавза ва комиссияи ҳавзавии интихобот оид ба интихоботи Президенти Ҷумҳурии Тоҷикистон” дар шаҳру ноҳияҳои кишвар бояд ҳавзаҳои интихоботӣ ташкил гардад.

Дар асоси қарори мазкур дар бинои Филармонияи давлатии Тоҷикистон ба номи А.Ҷураев комиссияи ҳавзавии интихобот оид ба интихоби президенти Ҷумҳурии Тоҷикистон Сино №4 дар ҳайати 9 нафар тасдиқ гардидааст. Дар ин комиссия Нақшаи тақвимии чорабиниҳои асосӣ доир ба тайёрӣ ва гузаронидани интихоботи Президенти Ҷумҳурии Тоҷикистон, Нақшаи тақсими вазифаҳо ва ҷадвали навбатдории Комиссияи ҳавзаи интихоботӣ оид ба интихоботи Президенти Ҷумҳурии Тоҷикистон ба тавсиб расонида шуданд, ки дар доираи он корҳо идома доранд.

Ба таъкиди масъулин дар ҳавзаи интихоботии Сино №4 то ин вақт чандин вохӯриҳои коршиносон ва намояндагони Комиссияи марказии интихобот ва раъйпурсии Ҷумҳурии Тоҷикистон бо аъзоёни участкаҳои интихоботӣ ва аҳли ҷамоатчигӣ, институтсиҳои шаҳрвандӣ, раисони шаҳраку маҳаллаҳо ташкил ва баргузор гардидаанд. Дар онҳо масъалаҳои омодагии ҳамаҷониба дар участкаҳои интихоботӣ ва дар сатҳи баланди ташкилӣ баргузор намудани интихоботи Президенти Ҷумҳурии Тоҷкистон, корҳои фаҳмондадиҳӣ дар самти баланд бардоштани ташаккулу тафаккури маърифати сиёсӣ, ҳуқуқӣ, ва фарҳангию маърифатии сокинон оид ба интихоботи Президенти Ҷумҳурии Тоҷикистон мавриди баррасӣ ва муҳокима қарор дода шуданд.
Комиссияи ҳавзавии интихобот оид ба интихоботи Президенти Ҷумҳурии Тоҷикистон Сино №4 дар ҳолати омода қарор дошта, дар ҳамбастагӣ ба сохторҳои марбутаи дахлдор минбаъд низ тамоми тадбирҳои заруриву саривақтиро амалӣ хоҳад намуд.

Сайёра Шукурзода, “ҶТ”