Раиси вилояти Хатлон Қурбон Ҳакимзода бо намояндаи Ширкати “Neusoft Medical Corporation”- и Ҷумҳурии халқии Чин Дан Зан ва ҳамроҳонаш дар толори хурди мақомоти иҷроияи ҳокимияти давлатии вилояти Хатлон вохӯрӣ доир намуд.

Интизор меравад, дар доираи ёддошти тафоҳуме, ки байни мақомоти иҷроияи ҳокимияти давлатии вилояти Хатлон ва Ширкати мазкур амал менамояд, дар шаҳру ноҳияҳои Бохтар, Кӯлоб, Норак, Восеъ, Фархор, Шаҳритуз ва Ҷ. Балхӣ марказҳои ташхисию табобатӣ мавриди истифода қарор гирифта, бо муосиртарин дастгоҳҳо муҷҷаҳаз гардонида, мутахассисони соҳибтахассус ба кор ҷалб гарданд.

Намояндаи Ширкати “Neusoft Medical Corporation”- и Ҷумҳурии халқии Чин Дан Зан зимни баромади худ қайд намуд, ки омодаанд, фаъолияти ин гуна марказҳоро дар дигар шаҳру ноҳияҳои вилоят низ ба роҳ монанд.

Раиси вилояти Хатлон Ҳакимзода Қурбон низ иброз доштанд, ки мақомоти иҷроияи ҳокимияти давлатии вилояти Хатлон омодааст, ки дар шаҳру ноҳияҳо дар самти ҷудо намудани ҷойҳои муносиб барои сохта ва ба истифода додани марказҳои ташхисию табобатӣ мусоидат намояд.