ҶОМЕА
Шанбе 21 Сентябр 2019 08:00
2388
МУАЛЛИФ: БЕҲРӮЗ ХОЛМУРОДОВ

Дар шаҳри Душанбе дар мавзӯи “Инъикоси беҳгардонии ҳисоботдиҳии ҷамъиятӣ дар соҳаи таъмини оби нӯшокӣ ва санитария дар ВАО” семинари омӯзишӣ баргузор гардид.

Зикр шуд, ки пешниҳоди Ҷумҳурии Тоҷикистон ҷиҳати эълон намудани Даҳсолаи байналмилалии амал “Об барои рушди устувор, 2018-2028” аз ҷониби Маҷмааи Умумии Созмони Милали Муттаҳид (СММ) дастгирӣ ёфт. Дар доираи ин пешниҳод дар Тоҷикистон вазорату идораҳои кишвар дар ҳамкорӣ бо институтҳои молиявӣ ва созмонҳои байналхалқӣ як қатор чорабиниҳоро ба нақша гирифтаанд.

Дар семинар масъалаҳои таъмини ҳисоботдиҳӣ тариқи идоракунии муносиб дар соҳаи таъминоти оби нӯшокӣ ва чораҳои амалигардонии он, инъикоси ҳисоботдиҳии ҷамъиятӣ дар соҳаи таъмини оби нӯшокӣ ва санитария дар ВАО, вазифаи кормандони ВАО дар инъикоси мавзӯъ, интихоби мавзӯъ ва роҳҳои расонидани он ба аҳолӣ, иштироки занон дар идоракунии об ва роҳи асосии ҳалли нобаробарии гендерӣ дар идоракунии об баррасӣ гардиданд.

Аз намояндагони ВАО даъват ба амал оварда шуд, ки дар фаҳмондадиҳиву амалигардонии ҳадафи Ҳукумати кишвар дар самти амалисозии барномаи Даҳсолаи байналмилалии амал «Об барои рушди устувор» барои солҳои 2018-2028 саҳим бошанд.

Лоиҳаи «Беҳтаргардонии ҳисоботдиҳии ҷамъиятӣ дар соҳаи таъмини оби нӯшокӣ ва санитария дар Тоҷикистон» аз ҷониби ташкилоти “Oxfam” амалӣ мешавад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.