Бо ташаббуси Раёсати мубориза бар зидди ҷиноятҳои муташаккили ВКД дар вилояти Хатлон бо мақсади расонидани нуктаҳои муҳими Паёми Асосгузори сулҳу ваҳдати милли - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар толори Қасри фарҳанги ноҳияи Носири Хусрави вилоят вохӯрии роҳбари гурӯҳи ҷавонони "Авангард"-и Ҷумҳурии Тоҷикистон бо аҳли ҷамоатчигӣ баргузор гардид.

Масъулин доир ба нуктаҳои Паём суханронӣ намуда, иброз доштанд, ки Сарвари давлат дар Паёми худ таъкид доштанд, ки соли 2018 бо рӯйдодҳои ниҳоят муҳиму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Моро мебояд, ки дар партави таъкиду ҳидоятҳои Пешвои миллат ҳамеша заҳмату талош намоем, то ки ҳамасола кишвари мо дар ҳоли рушд қарор гирад.