ҶОМЕА
Ҷумъа 08 Декабр 2023 11:19
9683
Маросими ифтитоҳи Бозиҳои 19-уми тобистонаи осиёӣ рӯзи 23-юми сентябр бо ҳузури 50 ҳазор тамошогар дар варзишгоҳи шаҳри Ҳангжоуи Чин баргузор шуд.

Дар маросим 12 ҳазор варзишгар аз 45 кишвар Осиё, ҳамчунин раҳбарони кишварҳои хориҷӣ ва Кумитаи байналмилалии олимпӣ ширкат варзиданд.

Раиси Ҷумҳурии Мардумии Чин Си Ҷинпин Бозиҳои 19-уми тобистонаи осиёиро кушод. 45 ҳайати вакилон, аз он ҷумла Тоҷикистон, муаррифӣ шуда, чун анъана аз рӯи тартиби алифбо вориди варзишгоҳ гардиданд ва варзишгарони Чин ҳамчун кишвари мизбон дар навбати охирин ба майдон омаданд.

ааа1.jpg

Ҳайати Тоҷикистонро Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, муовини президенти Кумитаи миллии олимпии Тоҷикистон роҳбарӣ кард.
Темур Раҳимов, паҳлавони маъруфи тоҷик, парчамбардори ҳайати варзишии Тоҷикистон дар маросими ифтитоҳи ин бозиҳо буд.

Дар Бозиҳои 19-уми тобистонаи осиёӣ, ки дар Ҳангжоуи Чин то рӯзи 8-уми октябр идома хоҳад кард, варзишгарони 45 кишвари қораи Осиё ширкат варзида, аз рӯи 40 намуд, ки 61 навъи рақобатҳоро дарбар мегирад, барои 481 маҷмуи медалҳо мубориза мебаранд.

Ба иттилои Кумитаи миллии олимпии Тоҷикистон, дар Бозиҳои 19-уми тобистонаи осиёӣ беш аз 100 варзишгари тоҷик дар 18 ришта - бокс, варзиши сабук, ҷудо, гӯштини озод ва юнонию румӣ, кураш, вазнабардорӣ, волейболи соҳилӣ, шиноварӣ, камонварӣ, қайиқронӣ, тирандозӣ, таэквондо, каратэ-до, ҷиу-ҷитсу, ушу, рақси варзишӣ ва бозиҳои компютерӣ – ҳунарнамоӣ хоҳанд кард.

Ба варзишгарони тоҷик, ки дар Бозиҳои 19-уми тобистонаи осиёӣ дар Ҳангжоу нишони тилло мегиранд, ҷоизаи Президенти Тоҷикистон ба маблағи 150 000 сомонӣ, барандагони нишони нуқра 100 000 сомонӣ ва соҳибони нишони биринҷӣ 50 000 сомонӣ супурда мешавад.

Инчунин бо қарори раиси шаҳри Душанбе ба онҳое, ки дар ин бозиҳо барандагони медали тилло мешаванд, хонаи сеҳуҷраӣ, медали нуқра дуҳуҷраӣ ва медали биринҷӣ манзили якҳуҷраӣ тақдим мегардад.

Бояд тазаккур дод, Бозиҳои тобистонаи осиёӣ шуруъ аз соли 1951 дар ҳар чаҳор сол таҳти сарпарастии Шурои олимпии Осиё баргузор мешавад.

Дастаи мунтахаби Тоҷикистон аз соли 1994 дар ин бозиҳо ширкат варзида, то ин дам 27 медал гирифтааст, ки 4-тоаш тилло, 6-тоаш нуқра ва 17-тоаш биринҷӣ мебошад. Се медали тиллоро гурзандози машҳур Дилшод Назаров ва яктоашро муштзани маъруф Ҷаҳон Қурбонов ба даст овардаанд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Декабр 2023 c.