Инак мавсими сардиҳо фаро мерасад. Вобаста ба ин сохторҳои марбутаи пойтахт тайёрии ҳамаҷониба дида истодаанд.

Чунончи хатҳои гармидиҳӣ санҷида мешаванд. Бо ин мақсад гармӣ аз маркази гармидиҳии “Душанбе -2” ба маҳаллаҳои Зарафшон ва Испечак сар дода шуд. Гармӣ бошад, аз оғози моҳи ноябр ба манзилҳои истиқоматӣ ва идораҳо интиқол мегардад. Агар рӯзҳои гармӣ идома ёбанд, мумкин аст гармидиҳӣ нимаҳои моҳи ноябр оғоз ёбад.

Баъди ба фаъолият оғоз намудани маркази мазкур таъминот бо гармӣ дар пойтахт куллан тағйир ёфт. Зикр намудан ба маврид аст, ки дар маркази мазкур ҳамчунин нерӯи барқ истеҳсол мегардад.

Ҳамчунин бо оғози мавсими гармидиҳӣ, маркази гармидиҳии “Душанбе -1”, ки солҳои охир бо сӯзишвории мазутӣ фаъолият дошт, пас аз танаффуси тӯлонӣ, дубора бо гази Узбекистон кор хоҳад кард.