Аз 6-ум то 11-уми сентябр дар ҷазираҳои Малдив мусобиқаи Ҷоми СAVA - Ассотсиатсияи волейболи Осиёи Марказӣ ва Ҷанубӣ баргузор гардид.

Дар ин бора дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ дод.

Мувофиқи иттилои манбаъ дар ин мусобиқа волейболбозон аз ҳисоби бонувон кишвари моро намояндагӣ карданд. Тими волейболбозони меҳан тавонистанд дар мусобиқаи мазкур маҳорати хуб нишон дода, дар фарҷоми рақобатҳо ба гирифтани мақоми сеюм ва медалҳои биринҷӣ шарафёб гарданд. Барои гирифтани зинаи сеюми мусобиқа тими волейболи кишвар муқобили мунтахаби волейболи Афғонистон рақобат намуда, ғалаба ба даст овард.