ҶОМЕА
Якшанбе 23 Июн 2024 04:51
6269
Яке аз дастовардҳои Муассисаи давлатии “Телевизиони Сафина” дар нимсолаи якуми соли 2019 ин роҳандозии лоиҳа-озмуни байналмилалии “Осиёи Марказӣ истеъдод меҷӯяд” (Central Asia's Got Talent ) мебошад, ки дар ҳамкорӣ бо шабакаҳои телевизионии ҷумҳуриҳои Қазоқистон, Ӯзбакистон ва Қирғизистон амалӣ мегардад. 

Дар ин бора зимни нишасти матбуотӣ масъулини телевизиони мазкур иттилоъ дода, иброз доштанд, ҳадафи асосии ин озмун рушди фарҳангу ҳунар, дарёфти истеъдодҳои нав, баланд бардоштани мақому нуфузи ҷумҳурӣ дар сатҳи байналмилалӣ ва муаррифии шоистаи Тоҷикистон тавассути ҳунару маҳорати соҳибистеъдодҳои кишвар мебошад. 

Ба таъкиди масъулин аллакай даври интихобӣ ва якуми озмун дар толори барҳавои Театри опера ва балети ба номи Садриддин Айнӣ дар сатҳи хеле баланд ва бо иштироки садҳо нафар меҳмонон аз дохилу хориҷи кишвар баргузор гардида, беҳтарин соҳибистеъдодҳои кишвар муайян гардиданд, ки дар даври минбаъдаи озмун ҷумҳурии моро муаррифӣ хоҳанд кард.

Акобир Шарипов, волонтёри “ҶТ”

Эзоҳи худро нависед



Рамзҳо дар расм