ҶОМЕА
Панҷшанбе 06 Август 2020 09:43
1025
Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар ноҳияи Исмоили Сомонии пойтахт Маҷмааи биноҳои истиқоматии баландошёнаи бисёрҳуҷрадорро бо маркази савдову хизматрасонӣ ва таваққуфгоҳи зеризаминии якқабата дар хиёбони Рӯдакӣ ифтитоҳ намуд.

Дар ошёнаи якум Сарвари давлат Эмомалӣ Раҳмон бо шароити марказҳои савдою хизматрасонӣ, ки дар он 120 нафар бо ҷойи кори доимӣ ва маоши то 2500 сомонӣ таъмин гаштаанд, шинос шуд.

Арзиши умумии лоиҳаи сохтмони маҷмааи биноҳои истиқоматӣ ва савдою хизматрасонӣ, ки корҳои сохтмону васлкуниро дар бар мегирад, 138 миллиону 397 ҳазору 710 сомониро ташкил дода, аз ҳисоби маблағҳои ҳукумати шаҳри Душанбе бунёд шудааст. Маҷмааи биноҳои истиқоматӣ аз 4 қисм ва 170 хона иборат мебошад. 

Сарвари давлат Эмомалӣ Раҳмон зимни шиносоӣ ба сифати корҳои сохтмонӣ ва тарҳи бунёди хонаҳои кушоду барҳаво ба сохтмончиён баҳои баланд дод. Ин маҷмааи хонаҳои баландошёна ба симои пойтахт ва хиёбони марказӣ ҳусни тозае зам мекунад.



То ҷашни 25-солагии истиқлолият, бо ташаббуси созандаи Президенти мамлакат Эмомалӣ Раҳмон, ба хотири истиқболи сазовори санаи муҳиму тақдирсоз дар пойтахт 95 иншооти таъиноти гуногун бо маблағи умумии 2,3 миллиард сомонӣ бунёд карда мешавад. 7 муассисаи томактабӣ барои 919 ҷой, 5 муассисаи таҳсилоти умумӣ бо маблағи 19 миллиону 495 ҳазор сомонӣ бо 3150 ҷой аз ҳисоби соҳибкорони ватанӣ, манзилҳои истиқоматӣ, 7,07 километр роҳҳо, 1 толори варзишӣ, 4 майдончаи варзишию фарҳангӣ, барқарорсозии шабака ва таҷҳизоти гармитақсимкунӣ аз ҷумлаи тадбирҳои муҳим дар ин самт мебошад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Август 2020 c.