13 октябри соли равон дар доираи сафари кории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ноҳияи Шуғнони ВМКБ майдончаи варзиши ифтитоҳ гардид.

Дар ин бора аз Бахши кор бо ҷавонон ва варзиши ноҳияи Шуғнон хабар доданд.

Гуфта шуд, ки дар рафти ифтитоҳи майдончаи варзишӣ дар деҳаи Хосаи ҷамоати деҳоти Поршневи ноҳия Сураҷ Чоршанбезода, муовини раиси Кумитаи ҷавонон ва варзиши назди Ҳукумати Ҷумҳурии Тоҷикистон, раиси ноҳияи Шуғнон ва дигар намояндагони Ҳукумати Ҷумҳурии Тоҷикистон иштирок намуданд.

Ҳамзамон таъкид карда шуд, ки майдончаи варзишии деҳаи Хосаи ҷамоати деҳоти Поршнев аз ҷониби ҷавонони деҳаи мазкур бунёд гардида, барои рушди малакаи варзишии наврасону ҷавонони деҳа иқдоми хубест.

Наҷиба МУРОДБЕКОВА, “ҶТ”