ҶОМЕА
Ҷумъа 22 Сентябр 2023 02:06
8716
-Моҳрӯ ҚУРБОНЗОДА, омӯзгори ҷавон сокини ноҳияи Ашт:

Моҳрӯ Қурбонзода.jpg

-Ташрифи Асосгузори сулҳу ваҳдати миллӣ-Пешвои муаззами миллат муҳтарам Эмомалӣ Раҳмон ба ҳар гӯшаву канори кишвар худ гувоҳи он аст, ки Президенти кишварамон, Сарвари халқпарвар, мардумдӯстдор, одилу ғамхор, саховатпешаву ятимпарвар ва накӯкору ватандӯст мебошанд. Пешвои миллат дар ҳар як сафар пеш аз ҳама аз ҳоли ятимон пурсону дар ҳаққашон ғамхорӣ менамоянд. Соҳибкорони ватандӯсту созандаро дастгирию сипосгузорӣ мекунанд, ки ин илҳоми ҷавонони ватандӯстро баҳри ободии Ватан тақвият мебахшад. Пешвои маърифатпарвари мо ҳамеша дар фикри рушду нумӯи соҳаи маориф буда, бо ҳидоятҳояшон рушди маориф дар Тоҷикистон масъалаи рақами якум асту дар ин ҷода ғамхориҳояшон назир надорад.

Санаи 16 апрели соли равон Пешвои муаззами миллат муҳтарам Эмомалӣ Раҳмон ба ноҳияи Ашт барои ифтитоҳи иншоотҳои гуногун ташриф оварданд. Истиқболи самимии мардуми Ашт гувоҳӣ он буд, ки арҷгузору миннатдори Пешвои худ ҳастанд. Он ободкориву созандагиҳое, ки дар ноҳия ба анҷом расидааст, баҳри зиндагии комилу шоистаи худи сокинони ноҳия аст.

Рӯзи мулоқот бо Пешвои миллат аз симою чеҳраҳои шукуфони сокинони ноҳия эҳсос намудам, ки то чӣ андоза дар атрофи Пешвои худ муттаҳид ҳастанду бо ҳидоятҳояшон ба сӯи ояндаи дурахшони худ устуворона қадам мезананд ва ба Пешвои худ самимияти хоса ва эҳтироми бепоён доранд.

Дар суҳбат бо Пешвои миллат эҳсос шуд, ки нисбати мо барин мутахассисони ҷавон хеле зиёд таваҷҷуҳ зоҳир намуда, баҳри рушди истеъдоду илмомӯзӣ ва кору фаъолияти мо - ҷавонон роҳнамо ҳастанд. Роҳнамоӣ ба кору фаъолияти ман ва оилаи ман, аз ғамхорӣ ва саховат ба як оилаи ҷавон дар шахсияти оилаи ман, бароям хеле таъсиргузор буда, аз ин хеле сарфарозу шукргузори Пешвои азизамон ҳастам. Дар он лаҳза худро хушбахттарин инсон эҳсос кардам. Миннатдории Пешвои миллат нисбат ба волидонам бароям беҳтарину арзандатарин хушбахтӣ буд.

Саховату дастгирии Пешвои муаззами миллат нисбати духтарони деҳот моро водор ба он намуд, ки бо кору фаъолияти худ ба боварии Пешвои одилу ғамхорамон арзанда бошему барои ин ватану миллат хизмати содиқона намоем.

-Гулафзо ҶУРАЕВА, муовини раиси КИ ҲХДТ дар шаҳри Исфара:

Гулафзо ҶУРАЕВА, .jpg

- 17-уми апрели соли 2022 дар шаҳри Исфара бевосита бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон якчанд иншоотҳои ҷашнӣ, ба монанди бинои нави маъмурии Кумитаи иҷроияи ҲХДТ дар шаҳри Исфара, коргоҳи пойафзолбарории Ҷамъияти дорои масъулияташ маҳдуди “Базеб”, кӯдакистони хусусии “Шаҳноз”, коргоҳи нави дӯзандагии “Зебо” мактаби байналмилалии “Контакт” ва Майдони парчами давлатӣ ба истифода дода шуд.

Пешвои миллатро сокинони шаҳру деҳоти Исфара бо ҳисси баланди ватандориву хештаншиносӣ пешвоз гирифтанд. Барои мардуми сарбаланди шаҳри Исфара ин сана, санаи муҳими таърихӣ ба ҳисоб рафта, ҳар як суханони Сарвари давлатро сокинон сармашқи кори худ карда, имрӯз барои ободонӣ ва гулгулшукуфоии Ватани азизамон заҳмат кашида истодаанд.
Бояд гуфт, ки дар зарфи 30 соли Истиқлолияти давлатӣ дар шаҳру деҳоти Исфара даҳҳо иншоот сохта ба истифода дода шудаанду ҳазорон нафар соҳиби ҷои корӣ гардиданд.
Бунёди муассисаҳои таълимию тандурустӣ, иншоотҳои хизматрасониву марказҳои савдо, асфалтпӯшкуниву сохтмони марказҳои фарҳангиву фароғатӣ маҳз ба туфайли заҳматҳои Раиси ҲХДТ муҳтарам Эмомалӣ Раҳмон рӯи кор омадаанд, ки боиси сарфарозии ҳар як аъзои ҳизби мо дар Исфара мебошад.

Ҳар як сафари хизматии Пешвои муаззами кишвар ба Исфара саршори меҳру муҳаббат ва ғамхориву меҳрубониҳост.

Туфайли ин сафарҳо иншоотҳои зиёде дар хизмати мардум қарор дода мешаванд ва ободонӣ маҷрои тоза касб мекунад.

Дар доираи тантанаҳои Наврӯзӣ ба истифода додани бинои нави Кумитаи иҷроияи ҲХДТ дар шаҳри Исфара бо иштироки бевоситаи Асосгузори сулҳу ваҳадти миллӣ - Пешвои миллат, Раиси ҲХДТ муҳтарам Эмомалӣ Раҳмон моро водор мекунад, ки баҳри ободии диёр дучанд заҳмат кашем, баҳри ба мардум расонидани ормонҳои ҳизбамон талош варзем ва ҷомеаро ба амалҳои созандагиву бунёдкорӣ равона намоем.

-Сорбон АМАКОВ, сокини ноҳияи Айнӣ:

Амаков Сорбон.jpg

- Таҳти роҳбарии Пешвои миллат муҳтарам Эмомалӣ Раҳмон Тоҷикистон ба як марҳилаи сифатан нави рушду тараққиёти хеш ворид гардида, дар амал татбиқ намудани чанд барномаи муҳими давлатиро барои расидан ба ҳадафҳои муҳиму созанда ва аслии дурнамои рушди мамлакат аз сар гирифт. Тавре Пешвои миллат дар Паёми соли қаблӣ ба Маҷлиси Олӣ иброз доштанд, ки солҳои 2022-2026, яъне то ҷашни 35-солагии Истиқлолияти давлатии Ҷумҳурии Тоҷикистон “Солҳои рушди саноат” эълон карда шаванд, зеро соҳаи саноат дар рушди минбаъдаи мамлакат, ҳалли масъалаҳои иҷтимоиву иқтисодӣ ва таъмин намудани иҷрои ҳадафҳои стратегии миллӣ, аз ҷумла раванди саноатикунонии босуръати кишвар аҳамияти бузург дорад.

Зимни сафари расмии Пешвои миллат ба вилояти Суғд аллакай мо татбиқи ин ҳадафи созандаву дурбинонаи Пешвои хирадсолорамонро дар ҳадди зарурӣ ва муваффақонаи ин барномаи ҳаётан муҳим мушоҳида намудем. Зеро зимни сафарашон Пешвои миллат дар ноҳияҳои Айниву Панҷакент, шаҳри Хуҷанд, ноҳияи Ашту Исфара чандин корхонаву иншоотҳоро мавриди баҳрабардорӣ қарор дода, барои сокинони минтақаҳои зикршуда шароитҳои нави корӣ фароҳам оварданд.

Мо ҷавонони суғди бостон ҳамканор ва дар ҳамандешии тамоми ҷавонони мамлакат, барои таҳкими ваҳдати миллӣ ва тақвияти ормонҳои ватандориву худогоҳӣ ҳамеша дар талош хоҳем буд.

-Ғайрат ЮСУФЗОДА, сокини шаҳри Хуҷанд:

Юсуфзода Ғайрат.jpg

-Дар таърихи 14-уми апрели соли ҷорӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади шиносоӣ аз вазъи зиндагии мардум, рафти корҳои ободонию созандагӣ, фаъолияти хоҷагиҳои деҳқонӣ ва суҳбату мулоқот бо сокинон ба вилояти Суғд ташриф оварданд.

Зимни сафари корӣ Сарвари давлат бо зиёиёну роҳбарон ва фаъолони шаҳру ноҳияҳои ташрифоварда, мулоқот намуданд.

Сафари кории Пешвои миллат муҳтарам Эмомалӣ Раҳмон ба шаҳру ноҳияҳои вилояти Суғд натиҷагирӣ карда, тибқи мушоҳидаҳо гуфта метавонем, ки вилоят дар натиҷаи таваҷҷуҳи доимии давлату Ҳукумати кишвар ва заҳмату меҳнати ватандўстонаву ободкоронаи мардуми сарбаландаш ба таври назаррас пешрафт намуда, сатҳи зиндагии мардум беҳтар мешавад.

-Қамариддин ИСМОИЛОВ, сокини шаҳри Панҷакент:

- Президенти Ҷумҳурии Тоҷикистон муҳтарам Эмомалӣ Раҳмон санаи 14-17-уми апрел бо мақсади шиносоӣ аз вазъи зиндагии мардум, рафти корҳои ободонию созандагӣ, ифтитоҳи иншооти таъиноти гуногун, боздид аз фаъолияти хоҷагиҳои деҳқонӣ ва суҳбату мулоқот бо сокинон ба вилояти Суғд ташриф оварданд.

Мо сокинони дашти Қозии деҳоти Ёрии шаҳри Панҷакент миннатдории хешро ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мерасонем, ки хати оби полезиро барои обёрии 200 гектар замин ба истифода супорида, ба бунёди боғи нави интенсивӣ оғоз бахшиданд. Ҳамзамон, Сарвари давлат дар дашти Қозии шаҳри Панҷакент фермаи чорвопарвариро мавриди истифода қарор доданд, ки ин масъулияти моро боз ҳам дучанд намуд.

Дар доираи сафари корӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кӯчаи “50-солагии Тоҷикистон”-и шаҳри Панҷакент бинои Муассисаи давлатии “Таваллудхонаи шаҳр”-ро ифтитоҳ карданд, ки бинои таваллудхонаи шаҳрӣ барои 80 кат пешбинӣ гардида, шароити хизматрасонии тиббӣ ба модару кӯдак мутобиқ ба стандартҳои ҷаҳонӣ ба роҳ монда мешавад. Ҳамзамон Сарвари давлат дар ифтитоҳи меҳмонхонаи “Панҷакент-плаза” ширкат намуда, бо ятимони кулл дар шаҳри Панҷакент мулоқот намуданд.

Тӯли солҳои Истиқлолияти давлатӣ таҳти роҳбарии Сарвари кишвар Тоҷикистони азизамон рушд ёфта, симояшро ба куллӣ дигар намуд. Мо бо Пешвои миллатамон ифтихор дорем.

Таҳияи Шодмон НУРМАТОВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Сентябр 2023 c.