Бо ҳадафи тарбия намудани наврасону мактаббачагон дар рӯҳияи худшиносиву ватандӯстӣ, ифтихор аз миллату давлатдорӣ кормандони Раёсати кор бо ҷавонон ва варзиши ВМКБ дар МТМУ – и № 2 ба номи Давлаталӣ Шабдолови шаҳри Хоруғ бо хонандагон мулоқот намуданд.

Зимни вохӯрӣ Дилрабо Лутфалиева, сармутахассиси раёсат ва собиқадори меҳнат Хусрав Рақамов оид ба қаҳрамониву шоҳкориҳои Қарамонони Тоҷикистон, иштирокчиёни Ҷанги Бузурги Ватании солҳои 1941 – 1945, муҳиммияти суботу оромии сартосарии кишвар, дар қалбу замири хеш парваридани муҳаббат ба Ватан ва дар ҳамаи ҳолатҳо аз даст надодани ҳушёрии сиёсӣ ба толибилмон нақл карданд.

Баъдан байни иштирокдорон гуфтугӯи озод ба таври саволу ҷавоб сурат гирифта, хонандагон бо посухҳои кормандони раёсат қаноатманд шуданд.