Рустами Эмомалӣ, раиси шаҳри Душанбе бо имзои қарори хоса вуруди нақлиёти мусофирбар аз самти вилояти Суғд ба пойтахтро манъ кард. Дар ин бора мақомоти иҷроияи ҳокимияти давлатии шаҳри Душанбе хабар дод.

Тибқи қарори мазкур, ки таҳти №562 имзо шудааст, шуруъ аз 21 октиябри соли 2022 тамоми нақлиётҳои мусофирбар, ки аз вилояти Суғд меоянд, дар терминали “Чорбоғ” таваққуф хоҳанд кард.

Ҳамчунин дар қарори мазкур қайд карда шудааст, ки нуқтаи охири хатсайрҳои микроавтобусии №52, №19 ва хатсайрҳои автобусии №3, №29 ва №41 аз терминали “Маром” ба терминали “Чорбоғ” иваз карда шудааст.

Шаҳрдории Душанбе аз сокинон ва меҳмонони пойтахт, инчунин, ронандагони воситаҳои нақлиёти мусофирбари самти ноҳияи Варзоб ва шаҳру ноҳияҳои вилояти Суғд хоҳиш кардааст, ки минбаъд аз хидматрасонии терминали “Чорбоғ” истифода намоянд.