Дар маркази вилояти Суғд - шаҳри Хуҷанд бо ибтикори Мақомоти иҷроияи ҳокимияти давлатии вилояти Суғд рӯзҳои 21 - 22 июн Ярмаркаи VI байналмилалии савдо "Суғд-2019" баргузор мегардад.

Гуфта мешавад, ярмаркаи VI байналмилалии савдо "Суғд-2019" бо мақсади рушди ҳамкориҳои иқтисодиву тиҷоратӣ, баланд бардоштани нерӯи содиротӣ ва ҷалби сармоягузориву воридоти технологияҳои муосир гузаронида шуда, дар назар аст, ки дар он намояндагони доираҳои тиҷоратии Федератсияи Русия, Ӯзбекистон, Қазоқистон, Қирғизистон, Белорусия, Ҷумҳурии мардумии Чин, Корея Покистон, Ҳиндустон, Лаҳистон, Сербия ва дигар кишварҳо иштирок намоянд.