Аз аввали соли ҷорӣ муассисаҳои театрию консертии Вазорати фарҳанги Ҷумҳурии Тоҷикистон дар баргузории ҷашнҳои 30-солагии Қувваҳои Мусаллаҳ, Рӯзи модар, Иди матбуоти тоҷик, ҷашни Наврӯз, Рӯзи ваҳдати миллӣ ва барномаҳои дигари фарҳангӣ иштирок намудаанд, ки дар маҷмуъ зиëда аз 100 чорабиниро ташкил медиҳад.

Ин нуктаро 26 июл Зулфия Давлатзода, вазири фарҳанги кишвар зимни нишасти матбуотӣ баён намуд.

Номбурда зикр намуд, ки дар давраи ҳисоботӣ дар миқëси ҷумҳурӣ зиëда аз 38 ҳазору 119 чорабинии гуногуни фарҳангӣ бо фарогирии 3 миллиону 355 ҳазору 474 нафар баргузор шуд, ки нисбат ба ҳамин давраи соли гузашта 7 ҳазору 225 чорабинӣ ва 360 ҳазору 850 нафар иштирокчӣ зиëд мебошад.

“Яке аз чорабиниҳои муҳими фарҳангӣ, ки боиси ифтихор аст, ин бори нахуст дар таърихи мавҷудияти Созмони Миллали Муттаҳид дар қароргоҳи ин созмони бонуфузи байналмилалӣ доир гардидани чорабинии махсуси фарҳангӣ “Об ва Наврӯз - ду сарчашмаи ҳаëти башар” ба ҳисоб меравад, ки дар он Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иштирок намуданд”, - қайд намуд вазир.

Г. КАРИМОВА, “ҶТ”