Бахшида ба Рӯзи варзишгарон ва “Соли ҷавонон” бо ибтикори Бахши кор бо ҷавонон ва варзиши шаҳри Қӯрғонтеппа 2 август, бозиҳои шавқовари “Офарин” байни тарбиятгирандагони муассисаҳои давлатии томактабии № 1, 9, 18 ва 20-и шаҳр баргузор гардид.

Дар бозиҳои шавқовари “Офарин” 4 даста бо иштироки 40 нафар кӯдакону наврасон иштирок намуданд. Дар натиҷа муассисаҳои давлатии томактабии №18 ва 9 сазовори ҷойҳои якум ва дуюм гардида, бо диплом ва туҳфаҳои хотиравӣ қадрдонӣ шуданд.

Ба таъкиди масъулин мақсад аз ташкил ва баргузории бозиҳои шавқовари “Офарин” рушди тарбияи ҷисмонӣ дар муассисаҳои давлатии томактабӣ, тарғибу ташвиқи тарзи ҳаёти солим ва ба бозиҳои серҳаракати ҷисмонӣ ҷалб намудани кӯдакону наврасон мебошад.