Дастаи варзишии хонандагони мактаб-интернати давлатӣ барои кӯдакони имконияташон маҳдуди шаҳри Хуҷанд бо ҳайати 10-нафар дар мусобиқаи варзишии ҷумҳуриявӣ барои кӯдакони имконияташон маҳдуд, ки аз тарафи Кумитаи кор бо ҷавонон ва варзиш дар якҷоягӣ бо Ҷамъияти Олимпиадаи махсуси Тоҷикистон дар шаҳри Душанбе ташкил гардид, иштирок карданд.

Варзишгарон аз рӯи се намуд: варзиши сабук, тенниси рӯи миз ва футбол қувваозмоӣ намуда, соҳиби 19 медал гардиданд.

Ҳамин тавр, хонандагони мактаб-интернати шаҳри Хуҷанд соҳиби 4 медали тилло, 4 медали нуқра ва 11 медали биринҷӣ гардиданд, ки аз ин миқдор 8 ададаш медали дастаи футбол мебошад.

Инчунин дар бахши намоиши корҳои дастӣ бахшида ба Соли 2018 “Соли рушди сайёҳӣ ва ҳунарҳои мардумӣ” хонандагони мактаб-интернати давлатӣ барои кӯдакони имконияташон маҳдуди шаҳри Хуҷанд соҳиби ҷои дуюм ва Сипосномаи Ҷамъияти Олимпиадаи махсуси Тоҷикистон гардиданд.