Дар толори варзишии ба номи генерал-майор Рустам Амакиеви муассисаи давлатии мактаби варзишии шаҳри Бӯстон даври ҷамъбастии мусобиқаи варзишии футзал бахшида ба истиқболи 30-солагии истиқлолияти давлатии Ҷумҳурии Тоҷикистон доир гардид.

Дар даври ниҳоӣ дастаи маҳаллаҳои “Ватан” ва “Озодӣ” байни ҳам сабқат намуданд. Дар натиҷа мусобиқа бо ғолибияти дастаи маҳаллаи “Ватан” анҷом ёфт.

Тибқи иттилои мудири Бахши кор бо ҷавонон ва варзиши шаҳри Бӯстон Хусравшоҳ Исмоилзода мусобиқаи мазкур аз 14 то 30-юми январи соли равон баргузор гардида, дар он 8 даста аз маҳаллаҳои шаҳр иштирок намуданд.

Дар фарҷом дастаи маҳаллаи “Ватан”, ки сазовори ҷои аввал гардид, бо ҷом, медал ва сипосномаҳои Бахши кор бо ҷавонон ва варзиши шаҳри Бӯстон қадршиносӣ гардиданд.