ВАРЗИШ
Душанбе 30 Декабр 2024 09:15
Флойд Мейвезер дар ҷаҳони варзиш бо лақаби “пул” машҳур буда, имрӯз аз шуҳратмандтарин ва сердаромадтарин варзишгар маҳсуб меёбад. Мейвезер то имрӯз дар 51 рақобати гузаронидааш пирӯз гаштааст, ки чунин натиҷа ӯро аз Роки Марчианои беҳамто пеш мегузорад.
КӮДАКӢ ВА ҶАВОНӢ
Бузургтарин муштзани ҷаҳон Флойд Мейвезери хурдӣ 24-уми феврали соли 1977 дар сулолаи Майвезерҳо, ки дар тамоми давру замон бузургтарин муштзанҳои Амрико маҳсуб меёфтанд, дида ба дунё кушодааст. Падари ӯ як замон ба финали чемпионати ҷаҳон оид ба бокс баромада, бо Рей Леонард рақобат карда буд. Амаки варзишгар Роҷер Майвезер бошад, ба унвони қавитарин муштзани ҷаҳон дар соли 1984 ноил гардид. Ба ҳамин хотир касе ҳайрон намешавад, ки чаро Флойд бокс-ро интихоб кард.
ҒОЛИБИ ОЛИМПИАДА
Замони дар мактаби миёна таҳсил намудани ситораи ояндаи бокс ба бахти бади ӯ падару модараш аз ҳам ҷудо мешаванд. Пас аз пошхӯрии оила Флойд қарор медиҳад, ки бо модараш зиндагӣ кунад. Зиндаҷудоӣ аз падар ва шароити бади рӯзгор муштзанро маҷбур кард, то тарки мактаб намояду баҳри пайдо кардани қути лоямут кӯшад. Ӯ бо модараш дар ҳар ҷо кироякорӣ намуда, рӯзашонро мегузарониданд. Рӯзгори бади варзишгар то соли 1993 идома ёфт, яъне то он замоне, ки ӯ ба бокс пайваст. Дар мусобиқаҳои кушоди бокс, ки байни наврасон ташкил карда мешуд, ба гунае ном ба номи Флойд буд. Аз соли 1993 то соли 1996 муштзан дар 90 набарди ғайрикасбӣ иштирок намуда, танҳо дар 6-тои он мағлуб шудааст. Муддати се соле, ки варзишгар дар рақобатҳои байни наврасони ғайрикасбӣ иштирок мекард, муваффақ ба гирифтани 3 дастпӯши тилло гардидааст. Бузургтарин дастоварди Майвезер дар он давру даврон мушарраф гаштанаш ба мақоми 3-юми Бозиҳои Олимпии Атланта дар соли 1996 маҳсуб меёфт.
ТУМОРИ ИҚБОЛ
Баромад дар майдони касбии бокс барои Майвезер соли 1996 иттифоқ афтодааст. Флойд Мейвезер 11-уми октябри ҳамон сол бо муштзани касбии Мексика Роберто Аподака қувваозмоӣ карда, дар пайти аввал рақибашро ба нокаут фиристонд.
Пас аз мағлуб намудани муштзани мексикоӣ Флойд гӯё тумори иқболро ба гардан овехта бошад, ки давоми 2 сол, яъне то 1998 15 муштзани касбӣ, ҳамсони Реджи Сендерс, Эдгар Айла, Кино Родригес, Боби Гиперт, Тони Дюран, Лари Шилдс ва ғайраҳоро мағлуб намуда, муваффақ гашт, то бо дорандаи камарбанди чемпиони бокс дар вазни сабук - Ҷенаро Эрнандес майдондорӣ кунад.
Рақобати муштзанон 3-юми октябри соли 1998 дар Лас-Вегаси ИМА иттифоқ афтод. Барои тамошои рақобати ду муштзани шикастнопазир ҳазорон нафар дӯстдорони бокс ба толори рақобат рехта буданд. Рақобат оғоз гардид. Дар пайти аввал ҳарду муштзан фаъол буданд, аммо аз даври дувум Майвезер ташаббусро ба даст гирифта, дар раунди севум Эрнандесро ба нокаут равон кард, ки чунин ранг гирифтани корро касе мунтазир набуд. Пас аз мағлуб намудани Эрнандеси ботаҷриба Флойд нахустин маротиба соҳиби камарбанди чемпионии WBC гардид, ки ҳамагӣ 21 сол дошт. Муштзан баробари ба даст овардани камарбанди чемпионӣ, инчунин аз ҷониби нашрияи муътабари “Ринг”, “Варзишгари сол” эълон гардид.
Варзишгар чунин натиҷаро дар байни муштзанони вазни сабук боз чор маротиба - солҳои 2002, 2005, 2006 ва 2007 такрор намуда, ҳирфаитанҳои бокс, ба мисли Артуро Гатти, Заба Ҷуд, Оскар Де Ла Ҳойя, Рики Ҳаттон ва Виктор Ортисро торумор кард.
Сарнагун кардани баргузидагони бокс шуҳрату шони Флойдро дар тамоми ҷаҳон афзуд, акнун ҳамагон аз маҳорати сиёҳпӯсте ҳарф мезаданд, ки ҳатто мағлубият аз ӯ ҳарос дошт. Моҳи сентябри соли 2013 барои Мейвезери ташнаи шуҳрату сарват солу моҳи бобарору хотирмон буд, зеро муштзан барои ҳимояи дигарбораи камарбанди чемпионии WBC бо рақиби сарсахту хавфнок Саул Алвареси мексикоӣ дар майдони рақобат шуд. То он замон Саул 38 рақобати бебохт дошт ва ҳамон рӯз аз дасти Мейвезер бори нахуст ҷоми талхи бохтро нӯш кард. Мейвезер баробари шикаст додани хунсардтарин муштзани асри 21, инчунин 75 миллион доллари амрикоӣ дастмузд гирифт, ки то он замон ҳеҷ муштзане аз як рақобат чунин маблағ ба даст наоварда буд.
Рӯзу моҳу сол бо гузашташон таҷрибаи Флойд Мейвезерро дар самти бокс ғанӣ мекарданду аз ӯ як абармарди бокс месохтанд. Яке аз лаҳзаҳои ҳассос ва пуршиддат дар корномаи варзишии Мейвезер мубориза бо Маркос Майданаи аргентинӣ маҳсуб меёфт, ки соли 2014 иттифоқ афтода буд. Дар ин дидори басо душвору сангин Флойди шикастнопазир қариб буд, дар раунди 8-ум ба нокаут равад, аммо тавозунро нигоҳ дошта, боз ба по хесту рақобатро идома дод. Дар ин рақобат бартарии бештар ҷониби Маркос буд, аммо дар охир доварон якдилона Мейвезерро ғолиб эълон карданд, ки ин омил хашму ғазаби мухлисони аргентиниро барангехт ва онҳо хостори рақобати дигарбора ва ё ба истилоҳ реванш гардиданд.
Мейвезер норозигии мухлисони Маркусро ба инобат гирифта, ба рақобати дувумбора розигӣ дод ва ин набард моҳи сентябри ҳамон сол баргузор гардид. Ин дафъа ӯ гӯё сари нанг омада бошад, ки мексикоиро бераҳмона муштборон карда, бо нокаути техникӣ мағлуб кард.
НАБАРДИ АСР
2-юми майи соли 2015 барои олами бокс рӯзи фаромӯшношуданӣ боқӣ мемонад, зеро дар ин рӯз ду нобиғаи бокси асри кунунӣ Меэн Пакяо ва Флойд Мейвезер ба майдони рақобат баромаданд. Дар ин дидор муштзанон барои дарёфти унвони қавитаринҳои бокс новобаста аз вазн ва барои 3 унвони иттиҳодияи “Golden Boy Promotions” мубориза мебурданд. Рақобати варзишгарон бисёр диданиву ҷолиб оғоз гардида, 12 давра давом кард, акнун хулосаи ниҳоӣ баровардан ба дӯши доварон афтод, эълони ғолиб барои доварон ниҳоят душвор буд, зеро ҳарду варзишгар бисёр хуб ҷангида буданд. Аммо бояд яке аз онҳо соҳиби камарбанди чемпионӣ мегардид. Ба ҳамин хотир бо натиҷаи на он қадар зиёд Мейвезер ғолиб эълон карда шуд.
Баъди анҷоми ин набарди таърихӣ Мейвезер иқрор шуд, ки воқеан ҳам Пакяо рақиби хавфноктарин барои дилхоҳ муштзан ба ҳисоб меравад. Гуфтан ба маврид аст, ки маблағи мусобиқаи мазкур барои размандагон 300 млн. долларро ташкил медод, ки аз ин миқдор маблағ 180 млн. ба Мейвезер ва 120 млн. ба Пакяо дода шуд. Флойд дар ин рақобат дар умум 280 миллион доллар ба даст овард, ки таърихи варзиш чунин гонорарро ёд надорад.
Моҳи сентябри соли 2015 Мейвезер Андре Берторо дар 49-умин баромадаш мағлуб намуда, сафи ғалабаҳояшро ба рақобатҳои бебохти Роки Марчианои шикастнопазир баробар намуд.
Аввали соли 2016 овозаҳое дар матбуот пайдо гардид, ки Конор Макгрегори ирландӣ ва Геннадий Головкини қазоқистонӣ мехоҳанд бо Мейвезер рақобат намоянд. Дар натиҷаи гуфтушуниди менеҷерҳои варзишгарон Мейвезер розӣ шуд, ки бо пардохти пули калон бо Конор рақобат намояд. Гуфтушуниди пеш аз рақобати варзишгарон бисёр тезутунд сурат мегирифт. Дар ҳар гуфтушунид Конор Мейвезерро таҳқир намуда, ваъда медод, ки ҳамагӣ ду пайт кифоя аст, то рақибашро ба нокаут равон кунад.
Дар он вақт сарвати Мейвезер 765 миллион доллар ҳисоб карда мешуд. Флойд қабули даъвати Конорро шарҳ дод, ки “Танҳо одами аблаҳ дар ним соат аз 300 миллион доллар даст мекашад. Аз гуфтаи варзишгарон маълум мегардид, ки онҳо танҳо барои ба даст овардани маблағи ҳангуфт мубориза мебаранд. Ҳамин тавр, муборизаи варзишгарон 26 августи соли 2017 дар Лас Вегас баргузор гардида, бо нокаути техникӣ дар пайти 10-ум ба нафъи Мейвезер хотима ёфт. Ба нафъи Мейвезер хотима ёфтани рақобатро ҳамагон медонистанд, зеро Конор размовари ММА асту аз бокси ҳирфавӣ фарсахҳо дур.
Устураи бокс Майк Тайсон пеш аз рақобати Мейвезер ва Конор ақидаҳояшро баён намуда, гуфта буд, ки агар Конор Мейвезерро шикаст диҳад, бояд Флойд тарки бокс намояд.
ҲАЁТИ ШАХСӢ
Флойд Мейвезер дар ҳаёти шахсии худ ба принсипи озодӣ бартарияти зиёд дода, танҳо зиндагӣ карданро дӯст медорад. Муштзан дар умри 45-солаи худ бо ҳеҷ зан расман издивоҷ накардааст. Бо вуҷуди ин Флойд аз Ҷози Ҳаррис, ки варзишгар тақрибан 10 сол бо ӯ зиндагӣ кардааст, ду писар бо номҳои Кораун, Сион ва як духтар бо номи Ҷира дорад.
Фарзандони нобиғаи бокс дар Лас Вегас, дар қасри муҳташаме, ки 2 ҳазор метри мураббаъ масоҳат дорад, шоҳона зиндагӣ мекунанд.
Соли 2013 варзишгар ният дошт бо зебосанам Шантел Ҷексон издивоҷ намояд ва ба ӯ ангуштарини алмосии 10 миллион доллара туҳфа карда буд. Аммо вақте мефаҳмад, ки дӯстдухтараш пинҳонӣ аз Мейвезер дугоникҳои дар батнаш бударо исқоти ҳамл кардааст, аз ӯ ҷудо мешавад ва ангуштарини гаронбаҳоро низ пас мегирад.
Ҳоло муштзан бо ороишгар Дорали Мадина, ки аз ӯ 8 сол хурд аст, шинос гардида, мехоҳад бо ӯ оила барпо намояд. Флойд барои зиндагии дӯстдухтараш иморатеро бо арзиши 25 миллион доллар харидорӣ намуда, дар рӯзи зодрӯзаш автомобили гаронарзиши “Rolls Royce”, ки 250 000 доллар арзиш дорад, туҳфа намудааст.
Флойд Мейвезер, бино ба гузориши маҷаллаи “Forbes”, аз соли 2012 сарватмандтарин муштзани ҷаҳон ба шумор меравад. Соли 2010, даромади варзишгар дар як сол 60 миллион доллар буд. Дар ҳоли ҳозир, сарвати ӯ ба беш аз 1 миллиард доллар рақам зада мешавад.
Таваққуфгоҳи мошинҳои варзишгарро зиёда аз 90 автомобили гаронарзиш зеб медиҳад, ки аз ин миқдор 14 ададаш “Rolls-Royces”-и гаронбаҳо мебошад. Автомобили аз ҳама гаронарзиши Флойд “Bugatti Veyron” мебошад, ки бо арзиши 4 миллион доллар харидааст.
Дар аввали соли 2018, Флойд ба як ҳодисаи нохуш дучор омад. Ҳангоми ҷашни 40-солагии зодрӯзаш чанд рӯз берун аз шаҳр қарор дошт, аммо баъд аз бозгаштан мефаҳмад, ки хонаашро ғорат кардаанд. Дуздон ашёҳои гаронбаҳое, ки арзишашон беш аз 150 000 долларро ташкил медод, рабудаанд, аммо ғайб задани чунин маблағ барои нафаре, ки зиёда аз миллиард дорад, бешак қатрае аз баҳр асту бас.
Соли 2018 Ҳабиб Нурмагомедови доғистонӣ хостори рақобат бо Мейвезер гардид. Ин таклифро муштзан бе дудилагӣ қабул намуда, шарт гузошт, ки рақобат дар риштаи бокс сипарӣ хоҳад шуд, аммо бо падид омадани вируси ҳамагири COVID-19 рақобат лағв гардид.
Ёдовар бояд шуд, ки охирин рақобати Мейвезер дар майдони касбии бокс соли 2017 бо Конор маҳсуб меёбад, ки 50-умин дидорашро дар майдони касбӣ бо ғолибият анҷом дода буд.
Яҳё МАҲМАДНАБИЕВ, “ҶТ”
КӮДАКӢ ВА ҶАВОНӢ
Бузургтарин муштзани ҷаҳон Флойд Мейвезери хурдӣ 24-уми феврали соли 1977 дар сулолаи Майвезерҳо, ки дар тамоми давру замон бузургтарин муштзанҳои Амрико маҳсуб меёфтанд, дида ба дунё кушодааст. Падари ӯ як замон ба финали чемпионати ҷаҳон оид ба бокс баромада, бо Рей Леонард рақобат карда буд. Амаки варзишгар Роҷер Майвезер бошад, ба унвони қавитарин муштзани ҷаҳон дар соли 1984 ноил гардид. Ба ҳамин хотир касе ҳайрон намешавад, ки чаро Флойд бокс-ро интихоб кард.
ҒОЛИБИ ОЛИМПИАДА
Замони дар мактаби миёна таҳсил намудани ситораи ояндаи бокс ба бахти бади ӯ падару модараш аз ҳам ҷудо мешаванд. Пас аз пошхӯрии оила Флойд қарор медиҳад, ки бо модараш зиндагӣ кунад. Зиндаҷудоӣ аз падар ва шароити бади рӯзгор муштзанро маҷбур кард, то тарки мактаб намояду баҳри пайдо кардани қути лоямут кӯшад. Ӯ бо модараш дар ҳар ҷо кироякорӣ намуда, рӯзашонро мегузарониданд. Рӯзгори бади варзишгар то соли 1993 идома ёфт, яъне то он замоне, ки ӯ ба бокс пайваст. Дар мусобиқаҳои кушоди бокс, ки байни наврасон ташкил карда мешуд, ба гунае ном ба номи Флойд буд. Аз соли 1993 то соли 1996 муштзан дар 90 набарди ғайрикасбӣ иштирок намуда, танҳо дар 6-тои он мағлуб шудааст. Муддати се соле, ки варзишгар дар рақобатҳои байни наврасони ғайрикасбӣ иштирок мекард, муваффақ ба гирифтани 3 дастпӯши тилло гардидааст. Бузургтарин дастоварди Майвезер дар он давру даврон мушарраф гаштанаш ба мақоми 3-юми Бозиҳои Олимпии Атланта дар соли 1996 маҳсуб меёфт.
ТУМОРИ ИҚБОЛ
Баромад дар майдони касбии бокс барои Майвезер соли 1996 иттифоқ афтодааст. Флойд Мейвезер 11-уми октябри ҳамон сол бо муштзани касбии Мексика Роберто Аподака қувваозмоӣ карда, дар пайти аввал рақибашро ба нокаут фиристонд.
Пас аз мағлуб намудани муштзани мексикоӣ Флойд гӯё тумори иқболро ба гардан овехта бошад, ки давоми 2 сол, яъне то 1998 15 муштзани касбӣ, ҳамсони Реджи Сендерс, Эдгар Айла, Кино Родригес, Боби Гиперт, Тони Дюран, Лари Шилдс ва ғайраҳоро мағлуб намуда, муваффақ гашт, то бо дорандаи камарбанди чемпиони бокс дар вазни сабук - Ҷенаро Эрнандес майдондорӣ кунад.
Рақобати муштзанон 3-юми октябри соли 1998 дар Лас-Вегаси ИМА иттифоқ афтод. Барои тамошои рақобати ду муштзани шикастнопазир ҳазорон нафар дӯстдорони бокс ба толори рақобат рехта буданд. Рақобат оғоз гардид. Дар пайти аввал ҳарду муштзан фаъол буданд, аммо аз даври дувум Майвезер ташаббусро ба даст гирифта, дар раунди севум Эрнандесро ба нокаут равон кард, ки чунин ранг гирифтани корро касе мунтазир набуд. Пас аз мағлуб намудани Эрнандеси ботаҷриба Флойд нахустин маротиба соҳиби камарбанди чемпионии WBC гардид, ки ҳамагӣ 21 сол дошт. Муштзан баробари ба даст овардани камарбанди чемпионӣ, инчунин аз ҷониби нашрияи муътабари “Ринг”, “Варзишгари сол” эълон гардид.
Варзишгар чунин натиҷаро дар байни муштзанони вазни сабук боз чор маротиба - солҳои 2002, 2005, 2006 ва 2007 такрор намуда, ҳирфаитанҳои бокс, ба мисли Артуро Гатти, Заба Ҷуд, Оскар Де Ла Ҳойя, Рики Ҳаттон ва Виктор Ортисро торумор кард.
Сарнагун кардани баргузидагони бокс шуҳрату шони Флойдро дар тамоми ҷаҳон афзуд, акнун ҳамагон аз маҳорати сиёҳпӯсте ҳарф мезаданд, ки ҳатто мағлубият аз ӯ ҳарос дошт. Моҳи сентябри соли 2013 барои Мейвезери ташнаи шуҳрату сарват солу моҳи бобарору хотирмон буд, зеро муштзан барои ҳимояи дигарбораи камарбанди чемпионии WBC бо рақиби сарсахту хавфнок Саул Алвареси мексикоӣ дар майдони рақобат шуд. То он замон Саул 38 рақобати бебохт дошт ва ҳамон рӯз аз дасти Мейвезер бори нахуст ҷоми талхи бохтро нӯш кард. Мейвезер баробари шикаст додани хунсардтарин муштзани асри 21, инчунин 75 миллион доллари амрикоӣ дастмузд гирифт, ки то он замон ҳеҷ муштзане аз як рақобат чунин маблағ ба даст наоварда буд.
Рӯзу моҳу сол бо гузашташон таҷрибаи Флойд Мейвезерро дар самти бокс ғанӣ мекарданду аз ӯ як абармарди бокс месохтанд. Яке аз лаҳзаҳои ҳассос ва пуршиддат дар корномаи варзишии Мейвезер мубориза бо Маркос Майданаи аргентинӣ маҳсуб меёфт, ки соли 2014 иттифоқ афтода буд. Дар ин дидори басо душвору сангин Флойди шикастнопазир қариб буд, дар раунди 8-ум ба нокаут равад, аммо тавозунро нигоҳ дошта, боз ба по хесту рақобатро идома дод. Дар ин рақобат бартарии бештар ҷониби Маркос буд, аммо дар охир доварон якдилона Мейвезерро ғолиб эълон карданд, ки ин омил хашму ғазаби мухлисони аргентиниро барангехт ва онҳо хостори рақобати дигарбора ва ё ба истилоҳ реванш гардиданд.
Мейвезер норозигии мухлисони Маркусро ба инобат гирифта, ба рақобати дувумбора розигӣ дод ва ин набард моҳи сентябри ҳамон сол баргузор гардид. Ин дафъа ӯ гӯё сари нанг омада бошад, ки мексикоиро бераҳмона муштборон карда, бо нокаути техникӣ мағлуб кард.
НАБАРДИ АСР
2-юми майи соли 2015 барои олами бокс рӯзи фаромӯшношуданӣ боқӣ мемонад, зеро дар ин рӯз ду нобиғаи бокси асри кунунӣ Меэн Пакяо ва Флойд Мейвезер ба майдони рақобат баромаданд. Дар ин дидор муштзанон барои дарёфти унвони қавитаринҳои бокс новобаста аз вазн ва барои 3 унвони иттиҳодияи “Golden Boy Promotions” мубориза мебурданд. Рақобати варзишгарон бисёр диданиву ҷолиб оғоз гардида, 12 давра давом кард, акнун хулосаи ниҳоӣ баровардан ба дӯши доварон афтод, эълони ғолиб барои доварон ниҳоят душвор буд, зеро ҳарду варзишгар бисёр хуб ҷангида буданд. Аммо бояд яке аз онҳо соҳиби камарбанди чемпионӣ мегардид. Ба ҳамин хотир бо натиҷаи на он қадар зиёд Мейвезер ғолиб эълон карда шуд.
Баъди анҷоми ин набарди таърихӣ Мейвезер иқрор шуд, ки воқеан ҳам Пакяо рақиби хавфноктарин барои дилхоҳ муштзан ба ҳисоб меравад. Гуфтан ба маврид аст, ки маблағи мусобиқаи мазкур барои размандагон 300 млн. долларро ташкил медод, ки аз ин миқдор маблағ 180 млн. ба Мейвезер ва 120 млн. ба Пакяо дода шуд. Флойд дар ин рақобат дар умум 280 миллион доллар ба даст овард, ки таърихи варзиш чунин гонорарро ёд надорад.
Моҳи сентябри соли 2015 Мейвезер Андре Берторо дар 49-умин баромадаш мағлуб намуда, сафи ғалабаҳояшро ба рақобатҳои бебохти Роки Марчианои шикастнопазир баробар намуд.
Аввали соли 2016 овозаҳое дар матбуот пайдо гардид, ки Конор Макгрегори ирландӣ ва Геннадий Головкини қазоқистонӣ мехоҳанд бо Мейвезер рақобат намоянд. Дар натиҷаи гуфтушуниди менеҷерҳои варзишгарон Мейвезер розӣ шуд, ки бо пардохти пули калон бо Конор рақобат намояд. Гуфтушуниди пеш аз рақобати варзишгарон бисёр тезутунд сурат мегирифт. Дар ҳар гуфтушунид Конор Мейвезерро таҳқир намуда, ваъда медод, ки ҳамагӣ ду пайт кифоя аст, то рақибашро ба нокаут равон кунад.
Дар он вақт сарвати Мейвезер 765 миллион доллар ҳисоб карда мешуд. Флойд қабули даъвати Конорро шарҳ дод, ки “Танҳо одами аблаҳ дар ним соат аз 300 миллион доллар даст мекашад. Аз гуфтаи варзишгарон маълум мегардид, ки онҳо танҳо барои ба даст овардани маблағи ҳангуфт мубориза мебаранд. Ҳамин тавр, муборизаи варзишгарон 26 августи соли 2017 дар Лас Вегас баргузор гардида, бо нокаути техникӣ дар пайти 10-ум ба нафъи Мейвезер хотима ёфт. Ба нафъи Мейвезер хотима ёфтани рақобатро ҳамагон медонистанд, зеро Конор размовари ММА асту аз бокси ҳирфавӣ фарсахҳо дур.
Устураи бокс Майк Тайсон пеш аз рақобати Мейвезер ва Конор ақидаҳояшро баён намуда, гуфта буд, ки агар Конор Мейвезерро шикаст диҳад, бояд Флойд тарки бокс намояд.
ҲАЁТИ ШАХСӢ
Флойд Мейвезер дар ҳаёти шахсии худ ба принсипи озодӣ бартарияти зиёд дода, танҳо зиндагӣ карданро дӯст медорад. Муштзан дар умри 45-солаи худ бо ҳеҷ зан расман издивоҷ накардааст. Бо вуҷуди ин Флойд аз Ҷози Ҳаррис, ки варзишгар тақрибан 10 сол бо ӯ зиндагӣ кардааст, ду писар бо номҳои Кораун, Сион ва як духтар бо номи Ҷира дорад.
Фарзандони нобиғаи бокс дар Лас Вегас, дар қасри муҳташаме, ки 2 ҳазор метри мураббаъ масоҳат дорад, шоҳона зиндагӣ мекунанд.
Соли 2013 варзишгар ният дошт бо зебосанам Шантел Ҷексон издивоҷ намояд ва ба ӯ ангуштарини алмосии 10 миллион доллара туҳфа карда буд. Аммо вақте мефаҳмад, ки дӯстдухтараш пинҳонӣ аз Мейвезер дугоникҳои дар батнаш бударо исқоти ҳамл кардааст, аз ӯ ҷудо мешавад ва ангуштарини гаронбаҳоро низ пас мегирад.
Ҳоло муштзан бо ороишгар Дорали Мадина, ки аз ӯ 8 сол хурд аст, шинос гардида, мехоҳад бо ӯ оила барпо намояд. Флойд барои зиндагии дӯстдухтараш иморатеро бо арзиши 25 миллион доллар харидорӣ намуда, дар рӯзи зодрӯзаш автомобили гаронарзиши “Rolls Royce”, ки 250 000 доллар арзиш дорад, туҳфа намудааст.
Флойд Мейвезер, бино ба гузориши маҷаллаи “Forbes”, аз соли 2012 сарватмандтарин муштзани ҷаҳон ба шумор меравад. Соли 2010, даромади варзишгар дар як сол 60 миллион доллар буд. Дар ҳоли ҳозир, сарвати ӯ ба беш аз 1 миллиард доллар рақам зада мешавад.
Таваққуфгоҳи мошинҳои варзишгарро зиёда аз 90 автомобили гаронарзиш зеб медиҳад, ки аз ин миқдор 14 ададаш “Rolls-Royces”-и гаронбаҳо мебошад. Автомобили аз ҳама гаронарзиши Флойд “Bugatti Veyron” мебошад, ки бо арзиши 4 миллион доллар харидааст.
Дар аввали соли 2018, Флойд ба як ҳодисаи нохуш дучор омад. Ҳангоми ҷашни 40-солагии зодрӯзаш чанд рӯз берун аз шаҳр қарор дошт, аммо баъд аз бозгаштан мефаҳмад, ки хонаашро ғорат кардаанд. Дуздон ашёҳои гаронбаҳое, ки арзишашон беш аз 150 000 долларро ташкил медод, рабудаанд, аммо ғайб задани чунин маблағ барои нафаре, ки зиёда аз миллиард дорад, бешак қатрае аз баҳр асту бас.
Соли 2018 Ҳабиб Нурмагомедови доғистонӣ хостори рақобат бо Мейвезер гардид. Ин таклифро муштзан бе дудилагӣ қабул намуда, шарт гузошт, ки рақобат дар риштаи бокс сипарӣ хоҳад шуд, аммо бо падид омадани вируси ҳамагири COVID-19 рақобат лағв гардид.
Ёдовар бояд шуд, ки охирин рақобати Мейвезер дар майдони касбии бокс соли 2017 бо Конор маҳсуб меёбад, ки 50-умин дидорашро дар майдони касбӣ бо ғолибият анҷом дода буд.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед