Дар Ҷамоати деҳоти Ориёни ноҳияи Ашт толори нави варзишӣ ба истифода дода шуд, ки дар расми ифтитоҳи он Зариф Мирдадо ва раиси ноҳияи Ашт иштирок намуд.

Зариф Мирдадо ҳозиринро барои бунёди як толори нави замонавӣ шодбош намуда гуфт,- умед мекунем толори мазкур барои пешрафти соҳаи варзиш дар ноҳия ва тарзи ҳаёти солим мусоидат менамояд.

Толори мазкур аз ҷониби соҳибкор Усмонов Акмал бо харҷи  10 ҳазор доллари амрикоӣ бунёд гардида, дорои лавозимоти варзишии замонавӣ мебошад.

Дар назар аст, ки  рӯзҳои наздик дар ошёнаи дуюми бино мағозаи махсуси молҳои варзишӣ мавриди истифода қарор гирад.