ВАРЗИШ
Панҷшанбе 02 Май 2024 12:29
“Барои ҳар як инсон ҳаёт ширин ва гаронарзиш аст. Ҳама ҳаётро дӯст медорад, зистан мехоҳад. Ман ҳам ҳаётро дӯст медорам ва ҳаёти ман ин варзиш аст. Варзиш қудрати муаррифии ҳам инсон ва ҳам миллату давлатро дорад, ки ин хусусият дар дигар касбҳо камтар дида мешавад. Инро ман аз таҷрибаи наонқадар калони худ мегуям. Муваффақ ҳамоне мешавад, ки дар ҳолатҳои мушкил варзишро тарк накунад ва мерасад рӯзе, ки варзиш ӯро соҳиби ному нон мекунад. То соли 2017 маро доираи маҳдуд дар ҷамъият мешинохт. Варзиш сабаб шуду маро дар арсаи ҷаҳонӣ шинохтанд. Қудрати варзиш буд, ки дар кишварам тамғаи паҳлавониро дар давоми номам зам намуд. Ман хушбахтам, ки миёни мардум ҳамчун варзишгар муаррифӣ шудам. Варзиш барои ман хизмат кард ва вақти он расидааст, ки ман барои рушду нумуи варзиши ватанам хизмат кунам”.
Ин суханони варзишгарест, ки имрӯз шуҳрату шони ӯ оламгир шуда, дар арсаи ҷаҳонӣ мешиносанду эътирофаш мекунанд. Имрӯз касе нест аз ҳунару маҳорати ин паҳлавони номдор огаҳӣ надошта бошад. Ва ин варзиш буд, ки ӯро миёни ҷомеа маъруф кард. Хонандаи закӣ шояд пай бурд сухан дар мавриди кӣ меравад. Албатта Беҳрӯз Хоҷазода.
Шавқу завқи беандозаи Беҳрӯз нисбати варзиш буд, ки ӯро водор сохт, то аз мусобиқоти наврӯзӣ роҳ пеш гирад ба майдонҳои бузурги касбӣ. Ин боис гашт, то Хоҷазода дар 13 - солагӣ ба назди мураббии кордону кордида, устоди дараҷаи байналмилалӣ Садриддин Обидов равад ва тамринҳои касбии худро оғоз намояд. Мураббӣ бо дидани тамринҳои ӯ дарк кард, ки дар замири Беҳрӯз чизе нуҳуфтааст ва метавонад дар оянда шарафи гӯштинро рӯи дӯш гирад. Зеро ӯ нигоҳ накарда ба синну соли худ бисёр писари чолок буд ва усулҳоро ба хубӣ иҷро мекард. Садриддин Обидов маҳорати ӯро чунин тавсиф мекунад:
“Ӯ ҳоло наврас буд. Дунболи бародараш ба толор омаду хоҳиши бо бачаҳо тамрин карданро кард. Аз аввал ҳушёру чолок менамуд. Омадан баробар аллакай бисёр чизҳоро мефаҳмид. Баъдан фаҳмидам, ки зинаи аввали тамринро дар маъракаҳои гӯштингирӣ, аз наврӯзиҳо гирифтааст ва ояндаи дурахшоне ӯро интизор аст”.
Рақобатҳои Беҳрӯз дар арсаи байналмилалӣ ба соли 2014 рост меояд. Соли 2014 дар давлати Ҷопон Чемпионати Осиё байни наврасон баргузор гардид. Беҳрӯз дар ин гуна чорабинии байналмилалӣ бори аввал иштирок дошт ва ба зами камтаҷрибагӣ тавонист мушарраф ба гирифтани мақоми сеюм гардад.
Баъд аз он кӯшишу талоши Беҳрӯз бештар гашт. Ҳамеша талош менамуд дар мусобиқоти ҷиддитар иштирок карда, парчамбардори кишвар гардад.
Дар натиҷаи ин талошҳо ӯ ба дастовардҳои шоёне ба монанди чор маротиба қаҳрамони Тоҷикистон, ҷоизадори Ҷоми “Пойтахт-2017”, “Наврӯз-2017”, ғолиби Фестивали бозиҳои миллии варзишӣ дар соли 2017 ва дигар шоҳҷоизаҳо дар намуди гӯштини миллӣ, ду маротиба қаҳрамони Тоҷикистон аз намуди гӯштини самбо, дорандаи медалҳои биринҷии чемпионати Осиё дар солҳои 2014-2015, қаҳрамони Осиё дар соли 2017 дар риштаи самбо, қаҳрамони вазни 66 килои Тоҷикистон дар соли 2016 аз намуди ҷудо, иштирокчии чемпионати ҷаҳон оид ба ҷудо дар Будапешт дар соли 2017 гардид.
“Яке аз мушкилтарин лаҳза дар ҳаёти варзишиам соли 2016 ба вуқуъ омада буд. Пас аз роҳхат гирифтан ба Ҷоми Ҷаҳон-2016, ки дар шаҳри Алмаатои Қазоқистон баргузор мегардид, дар вақти тамрин поям шикаст ва ман ҳуқуқи ширкат варзиданро аз даст додам, ки ин яке аз рӯзҳои вазнинтарини ман буд. Шаш моҳе, ки барои барқарор гардидани поям истироҳат намудам, як рӯзаш ба мисли сол мегузашт”- бо таассуф ёд меорад Беҳрӯз.
“Ин мусобиқа бароям муҳимтарин қувваозмоӣ буд ва ният доштам, дар он медали тилло ба даст оварам. Ҳангоме ки дар зӯрозмоии ниҳоӣ рақиб дастамро дар қуфли оринҷ гирифт, ман ба сониясанҷ назар кардам 19 сония монда буд. Ҳама тавону неруямро ҷамъ карда, то охир тоқат кардам. Дар ин вақт номи ман дар экран чун ғолиб пайдо шуд. Дигар натавонистам ашкҳои шодиямро нигаҳ дорам”,–мегӯяд Беҳрӯз.
Дар баробари Беҳрӯз ҳазорон ҳаводорону варзишгарони тоҷик эҳсосотӣ шуда, ашк рехтанд. Воқеан ҳам ин нишондод шоёни таҳсину офарин буд.
Модари Беҳрӯз, аз шабакаҳои варзишӣ чашм намеканд ва такрор ба такрор лаҳзаҳои сахти расидани ҷигарбандаш ба мартабаи қаҳрамонии ҷаҳонро дар Сочи тамошо мекард. Ӯ пушти экрани телевизион баробари писараш ашк мерехт. Ҳам ашки шодӣ ва ҳам ашки дилсӯзонаи модарона, ки дарди дасти писарашро эҳсос мекард. Дасте, ки анқариб ним дақиқа зери фишори сахти рақиб монда буд.
Беҳрӯз ҳарчанд баъд аз он дар чандин сабқатҳо иштирок кардаву борҳо нишонҳои ифтихориро соҳиб шудааст, аммо то ҳол шаҳди он пирӯзӣ дар вуҷудаш аст ва то ҳол қувватдиҳандаи қалби ӯ барои пирӯзӣ дар сабқатҳои дигар мебошад.
Беҳрӯз ҳамчунин иштирокчии Гран-При Душанбе низ буд, ки дар ин рақобатҳо низ аз худ маҳорати баланд нишон дод. Ӯ аз даври дуюм ба сабқатҳо ворид шуда, то финали мусобиқот роҳ ёфт. Дар финал Беҳрӯз аз ҳарифи пуртаҷрибаи хеш Маҳмадбек Маҳмадбеков, варзишгари тоҷик, ки зери парчами Федератсияи байналмилалии ҷудо баромад мекард, шикаст хӯрда, нишони нуқраи мусобиқаро моли худ кард.
Сабқатҳои сайри ҷаҳонии ҷудо - Hungary Masters 2023 – мусобиқоти нав-батии Беҳрӯз буданд, ки бо дарёфти нишони нуқра сабқатҳоро ҷамъбаст кард. Ин паҳлавони умедбахши кишвар сабқатро аз даври дуввум оғоз кард. Ӯ дар ин давр ҷудокори итолиёвӣ Мануел Ломбардоро шикаст дод. Дар марҳилаи сеюм ҳарифи паҳлавони тоҷик намояндаи кишвари мизбон - Маҷористон Даниэл Сзегедӣ буд. Беҳрӯз тавонист ҷудокори кишвари мизбонро низ мағлуб карда ба даври чорякниҳоӣ роҳ ёбад. Дар ин давр паҳлавони тоҷик қаҳрамони феълии ҷаҳон дар вазни 73 кило намояндаи Швейтсария Нил Штампро шикаст дода, ба даври ниманиҳоӣ гузашт. Дар даври ниманиҳоӣ бошад, ҷудокори гурҷӣ Терашвили Георгиро шикаст дод.
Дар даври ниҳоӣ аз ҷудокори ҷопонӣ Соичи Ҳошимото шикаст хӯрда, ҳамин тавр барандаи медали нуқра гардид.
Беҳрӯз айни замон аз намудҳои гӯштини ҷудо ва миллии “гӯштингирӣ” Устоди варзиши ҷумҳурӣ ва аз рӯи намуди гӯштини самбо Устоди варзиши дараҷаи байналмилалӣ мебошад.
Ҳошим РАҲМАТУЛЛОЕВ, “ҶТ”
Ин суханони варзишгарест, ки имрӯз шуҳрату шони ӯ оламгир шуда, дар арсаи ҷаҳонӣ мешиносанду эътирофаш мекунанд. Имрӯз касе нест аз ҳунару маҳорати ин паҳлавони номдор огаҳӣ надошта бошад. Ва ин варзиш буд, ки ӯро миёни ҷомеа маъруф кард. Хонандаи закӣ шояд пай бурд сухан дар мавриди кӣ меравад. Албатта Беҳрӯз Хоҷазода.
АЗ ГӮШТИНҲОИ НАВРӮЗӢ ТО МАЙДОНИ КАСБӢ
Беҳрӯз мутаваллиди соли 1995 буда, зодгоҳи ӯ деҳи хушбодуҳавои Ҳушёрии ноҳияи Варзоб мебошад. Ин паҳлавони овозадори кишвар аз овони хурдӣ ба варзиш шавқ дошт. Кӯдакиву наврасии Беҳрӯз бо иштирок дар мусобиқоти наврӯзӣ гузаштаву нахустсабақҳои гӯштингириро низ ба қавле аз ин майдонҳо гирифтааст.Шавқу завқи беандозаи Беҳрӯз нисбати варзиш буд, ки ӯро водор сохт, то аз мусобиқоти наврӯзӣ роҳ пеш гирад ба майдонҳои бузурги касбӣ. Ин боис гашт, то Хоҷазода дар 13 - солагӣ ба назди мураббии кордону кордида, устоди дараҷаи байналмилалӣ Садриддин Обидов равад ва тамринҳои касбии худро оғоз намояд. Мураббӣ бо дидани тамринҳои ӯ дарк кард, ки дар замири Беҳрӯз чизе нуҳуфтааст ва метавонад дар оянда шарафи гӯштинро рӯи дӯш гирад. Зеро ӯ нигоҳ накарда ба синну соли худ бисёр писари чолок буд ва усулҳоро ба хубӣ иҷро мекард. Садриддин Обидов маҳорати ӯро чунин тавсиф мекунад:
“Ӯ ҳоло наврас буд. Дунболи бародараш ба толор омаду хоҳиши бо бачаҳо тамрин карданро кард. Аз аввал ҳушёру чолок менамуд. Омадан баробар аллакай бисёр чизҳоро мефаҳмид. Баъдан фаҳмидам, ки зинаи аввали тамринро дар маъракаҳои гӯштингирӣ, аз наврӯзиҳо гирифтааст ва ояндаи дурахшоне ӯро интизор аст”.
Рақобатҳои Беҳрӯз дар арсаи байналмилалӣ ба соли 2014 рост меояд. Соли 2014 дар давлати Ҷопон Чемпионати Осиё байни наврасон баргузор гардид. Беҳрӯз дар ин гуна чорабинии байналмилалӣ бори аввал иштирок дошт ва ба зами камтаҷрибагӣ тавонист мушарраф ба гирифтани мақоми сеюм гардад.
Баъд аз он кӯшишу талоши Беҳрӯз бештар гашт. Ҳамеша талош менамуд дар мусобиқоти ҷиддитар иштирок карда, парчамбардори кишвар гардад.
Дар натиҷаи ин талошҳо ӯ ба дастовардҳои шоёне ба монанди чор маротиба қаҳрамони Тоҷикистон, ҷоизадори Ҷоми “Пойтахт-2017”, “Наврӯз-2017”, ғолиби Фестивали бозиҳои миллии варзишӣ дар соли 2017 ва дигар шоҳҷоизаҳо дар намуди гӯштини миллӣ, ду маротиба қаҳрамони Тоҷикистон аз намуди гӯштини самбо, дорандаи медалҳои биринҷии чемпионати Осиё дар солҳои 2014-2015, қаҳрамони Осиё дар соли 2017 дар риштаи самбо, қаҳрамони вазни 66 килои Тоҷикистон дар соли 2016 аз намуди ҷудо, иштирокчии чемпионати ҷаҳон оид ба ҷудо дар Будапешт дар соли 2017 гардид.
ЛАҲЗАҲОИ НОГУВОР
Дар баробари лаҳзаҳои шодиву нишот дар ҳаёти ҳар як шахс лаҳзаҳои ногувор низ вохӯрдан мумкин аст. Яке аз чунин лаҳзаҳо дар ҳаёти Беҳрӯз ин ҳангоми тамрин осеб дидани пои ӯ буд, ки бо сабаби ин иллат чанд муддат натавонист ба майдон барояд.“Яке аз мушкилтарин лаҳза дар ҳаёти варзишиам соли 2016 ба вуқуъ омада буд. Пас аз роҳхат гирифтан ба Ҷоми Ҷаҳон-2016, ки дар шаҳри Алмаатои Қазоқистон баргузор мегардид, дар вақти тамрин поям шикаст ва ман ҳуқуқи ширкат варзиданро аз даст додам, ки ин яке аз рӯзҳои вазнинтарини ман буд. Шаш моҳе, ки барои барқарор гардидани поям истироҳат намудам, як рӯзаш ба мисли сол мегузашт”- бо таассуф ёд меорад Беҳрӯз.
БУЗУРГТАРИН ДАСТОВАРДҲО
Дар баробари лаҳзаҳои нокомӣ дар корномаи варзишгарон даврони тиллоӣ низ мавҷуд аст, ки бо ёд овардан аз он вуҷуди ӯро ҷаҳони ифтихор фаро мегирад ва кулли ранҷу кулфате кашида буд, ба фаромӯшӣ меравад. Барои Беҳрӯз чунин давра маҳз дар соли 2017 ба амал омад. Замоне, ки ӯ тавонист, таърихсозӣ намояд. Ӯ дар Чемпионати ҷаҳони Самбо, ки 11 ноябри ҳамон сол дар шаҳри Сочии Русия баргузор гардид, зери вазни 74 кило ба унвони қаҳрамони ҷаҳон даст ёфт, ки ин дастовард барои миллати тоҷик натиҷаи деринтизор ба шумор мерафт. Бо ба даст овардани ин нишони заррин номи Беҳрӯз миёни хоссу ом вирди забон буд. Ин унвонро бори аввал Саидмуъмин Раҳимов дар соли 1975 ба даст оварда буд. Беҳрӯз дуюмин варзишгаре шуд, ки пас аз 42 сол ба ин унвон даст ёфт. Баробари ғолибият чашмони Беҳрӯз аз ашк пур шуданд. Аммо ин ашк ашки шодӣ буд, ки аз гунаҳои Беҳрӯз сарозер мешуд.
“Ин мусобиқа бароям муҳимтарин қувваозмоӣ буд ва ният доштам, дар он медали тилло ба даст оварам. Ҳангоме ки дар зӯрозмоии ниҳоӣ рақиб дастамро дар қуфли оринҷ гирифт, ман ба сониясанҷ назар кардам 19 сония монда буд. Ҳама тавону неруямро ҷамъ карда, то охир тоқат кардам. Дар ин вақт номи ман дар экран чун ғолиб пайдо шуд. Дигар натавонистам ашкҳои шодиямро нигаҳ дорам”,–мегӯяд Беҳрӯз.
Дар баробари Беҳрӯз ҳазорон ҳаводорону варзишгарони тоҷик эҳсосотӣ шуда, ашк рехтанд. Воқеан ҳам ин нишондод шоёни таҳсину офарин буд.
Модари Беҳрӯз, аз шабакаҳои варзишӣ чашм намеканд ва такрор ба такрор лаҳзаҳои сахти расидани ҷигарбандаш ба мартабаи қаҳрамонии ҷаҳонро дар Сочи тамошо мекард. Ӯ пушти экрани телевизион баробари писараш ашк мерехт. Ҳам ашки шодӣ ва ҳам ашки дилсӯзонаи модарона, ки дарди дасти писарашро эҳсос мекард. Дасте, ки анқариб ним дақиқа зери фишори сахти рақиб монда буд.
Беҳрӯз ҳарчанд баъд аз он дар чандин сабқатҳо иштирок кардаву борҳо нишонҳои ифтихориро соҳиб шудааст, аммо то ҳол шаҳди он пирӯзӣ дар вуҷудаш аст ва то ҳол қувватдиҳандаи қалби ӯ барои пирӯзӣ дар сабқатҳои дигар мебошад.
Беҳрӯз ҳамчунин иштирокчии Гран-При Душанбе низ буд, ки дар ин рақобатҳо низ аз худ маҳорати баланд нишон дод. Ӯ аз даври дуюм ба сабқатҳо ворид шуда, то финали мусобиқот роҳ ёфт. Дар финал Беҳрӯз аз ҳарифи пуртаҷрибаи хеш Маҳмадбек Маҳмадбеков, варзишгари тоҷик, ки зери парчами Федератсияи байналмилалии ҷудо баромад мекард, шикаст хӯрда, нишони нуқраи мусобиқаро моли худ кард.
Сабқатҳои сайри ҷаҳонии ҷудо - Hungary Masters 2023 – мусобиқоти нав-батии Беҳрӯз буданд, ки бо дарёфти нишони нуқра сабқатҳоро ҷамъбаст кард. Ин паҳлавони умедбахши кишвар сабқатро аз даври дуввум оғоз кард. Ӯ дар ин давр ҷудокори итолиёвӣ Мануел Ломбардоро шикаст дод. Дар марҳилаи сеюм ҳарифи паҳлавони тоҷик намояндаи кишвари мизбон - Маҷористон Даниэл Сзегедӣ буд. Беҳрӯз тавонист ҷудокори кишвари мизбонро низ мағлуб карда ба даври чорякниҳоӣ роҳ ёбад. Дар ин давр паҳлавони тоҷик қаҳрамони феълии ҷаҳон дар вазни 73 кило намояндаи Швейтсария Нил Штампро шикаст дода, ба даври ниманиҳоӣ гузашт. Дар даври ниманиҳоӣ бошад, ҷудокори гурҷӣ Терашвили Георгиро шикаст дод.
Дар даври ниҳоӣ аз ҷудокори ҷопонӣ Соичи Ҳошимото шикаст хӯрда, ҳамин тавр барандаи медали нуқра гардид.
Беҳрӯз айни замон аз намудҳои гӯштини ҷудо ва миллии “гӯштингирӣ” Устоди варзиши ҷумҳурӣ ва аз рӯи намуди гӯштини самбо Устоди варзиши дараҷаи байналмилалӣ мебошад.
Ҳошим РАҲМАТУЛЛОЕВ, “ҶТ”
Хабарҳои дигар
Рӯзнома
Эзоҳи худро нависед