ВАРЗИШ
Чоршанбе 22 Май 2024 01:01
Таърихи асри XXI ба мисли Месси, Роналдо ва Златанро ёд надорад. Дар бораи Мессиву Роналдо борҳо гуфтаем, ҳоло мехоҳем хонандаро ба нобиғаи дигари футболи сайёра Златан Ибрагимович шинос намоем.
Златан Ибрагимович соли 1981 дар шаҳри Малмёи Шведсия, ки ҳамчун шаҳраки ҷинояткорон шинохта мешуд, дар оилаи диндорон ба дунё омадааст. Падари Златан Шафиқ Иброҳим пайрави дини ислом ва модараш Юрка Гравич пайрави дини насронӣ буданд. Шояд таассубҳои динии волидони бозингари оянда сабаб шуд, ки падару модари Златан ҳангоми 2 - сола буданаш аз ҳам ҷудо мешаванд. Ибрагимович зиндагии минбаъдаашро ҳамроҳи модар идома медиҳад. Модараш шубу рӯз кор мекард, то Златан ва хоҳараш Санеларо аз ҳар ҷиҳат таъмин намояд. Ҳарчанд дар хурдӣ аз падар ҷудо шуда бошад ҳам, аммо ӯро фаромӯш накард ва мунтазам ба аёдати падар мерафт ва ҳоло ҳам бо вай муносибати хубу самимӣ дорад.
Кӯдакиҳои Златан дар шаҳри Малмё гузаштааст. Шаҳре, ки аксар ҷавононаш дузду роҳзану кӯчагард буданд. Ин муҳит ба Златани наврас бетаъсир намонд ва ҷавониҳои ӯ низ бо шӯрапӯштиву мардумозорӣ гузаштааст.
ТАРКИ ОДАТ АМРИ МАҲОЛ
Тарки одат амри маҳол мегӯянд. Баъд аз бузург шудану футболбози ҳирфавӣ шуданаш ҳам баъзе одатҳои бадаш ба мисли ҷангҷӯиву занозанӣ дунболи ӯро раҳо намекарданд ва тақрибан дар ҳар бозӣ як футболбози рақибро латукӯб мекарду корти сурхи доварро рӯ ба рӯяш медид.
Златан аз хурдӣ ба варзиш шавқу ҳаваси беандоза дошт. Ҳанӯз дар овони 8 - солагӣ падараш ӯро ба дастаи наврасони “Балкан” бурда, аз мураббӣ хоҳиш мекунад, ки писарашро дар роҳи футбол тарбия кунад. Ҳамин тавр, фаъолияти футболбозии Иброҳимович маҳз аз ҳамин даста оғоз мегардад. “Ман медидам, ки чи гуна Роналдои бразилӣ дар майдон бозӣ макард ва ҳамеша орзу мекардам ба мисли ӯ футболбози хубу бомаҳорат гардам ва ба хотири эҳтиромаш тамоми ҳуҷраи хобамро бо расмҳои ӯ оро дода будам”, - менависад футболбоз дар дафтари хотироташ.
Дар баробари футбол, ӯ ба намуди варзиши якҳарбаҳои шарқӣ низ шавқу рағбат дошт ва дар овони ҷавонӣ аз рӯи ин намуди варзиш соҳиби камарбанди сиёҳ гардидааст.
МАЛМЁ
Пас аз бузург шудану дар байни наврасон шуҳрат ёфтан, акнун Златан ба ҳайати дастаи зодгоҳаш “Малмё” пайваст. Бози кардан дар “Малмё” орзуи деринаи футболбоз буд ва ӯ бо гузораи вақту фосилаи зиёд билохир ба орзуи худ расид. Ӯ дар ин даста зуд одат карда, дар кӯтоҳтарин вақт ба бозингари калидии даста мубаддал гардид. Акнун ҳамагон аз маҳорати фавқулодаи Иброҳимович мегуфтанду дар ҳама ҷо васфаш мекарданд.
Бозии хубу муҷаллояш дар “Малмё” боис гардид, ки абардастаҳои Аврупо ба ӯ таваҷҷуҳ намоянд. Хусусан мураббии номдори онвақтаи “Арсенал” Арсен Венгер бисёр мехост Златанро дар ҳайати дастааш бинад. Дар баробари “Арсенал” дастаи Ҳоландии “Аякс” низ муддаии асосии ин бачаи бомаҳорат буд. Билохира президенти дастаи “Аякс” Бен Хакер тавонист бо қарордоди аниқ ӯро ба дастаи хеш ҷалб намояд ва ӯ дар ин даста фаъолияташро таҳти рақами 9 оғоз намуд. Иброҳимович дар “Аякс” низ зуд одат карда, ҳамчун бозингари асосӣ шинохта мешуд ва бо ин дас-та соҳиби чандин ҷоизаҳо гардид.
АЯКС- ЮВЕНТУС
Златан аз соли 2001 ба ҳайати “Аякс” ворид гардида, се сол дар ин даста фаъолият намуд. Муваффақиятҳои Златанро дар дастаи ҳолландӣ дида “Ювентус” ба ӯ мароқ зоҳир намуд ва баъд аз ба охир расидани шартномаи сесола бо “Аякс” “Ювентус” ба истилоҳе “Деви” футболро бо арзиши 19 млн. евро харидорӣ намуд. Акнун Златан ба гунае Италияро ба ҷунбиш овард, ӯ дар ҳар бозӣ дарвозаи рақибонро голборон карда, дар як соли фаъолияташ 26 голро сабти номи хеш кард ва беҳтарин нишонзан байни лигеонерҳо дониста шуд.
Дар мавсими соли 2005-2006 ба истилоҳе кори Иброҳимович дар “Ювентус” омад накард. Ӯ дар 45 бозӣ танҳо 16 гол ба давозаи рақибон ворид карду халос. Ба нокомиҳои охирини Златан нигоҳ накарда, дастаи шоҳонаи “Реал” ба бозингар 70 млн. доллар пешниҳод кард, аммо дастаи итолиёвии “Ювентус” барои охирин имконият-ро додан ба варзишгар пешниҳоди “Реал”-ро рад кард ва “Дев”-и футбол тавонист як мавсими дигар дар Турин боқӣ монад.
ИНТЕР
Дар гузариши тобистонаи соли 2006 дастаи дигари итолиёви “Интер” бо пешниҳоди камтар аз “Реал”, яъне бо арзиши 25 млн. доллар Иброҳимовичро ба дастаи худ ҷалб намуд. Дар давоми шартномаи сесолааш бо “Интер” ӯ ба ситораи ҳақиқии футболи Аврупо табдил ёфт. Дар як мавсим 66 голро сабти номи хеш кард ва дар серияи “А” беҳтарин нишонзани сол эълон гардид. Маҳз бо шарофати Златан дастаи “Интер” дар мавсими солҳои 2008-2009 суперкубоки Италияро ба даст овард, ки ин натиҷа беҳтарин дастоварди футболбоз ба ҳисоб меравад.
БАРСЕЛОНА
Баъд аз хотимаи шартнома бо дастаи “Интер” бузургтарин дастаи “Барселона” ба Ибрагимович пешниҳоди ҳамкорӣ намуд, азбаски футболбоз орзуи дар ин дас-таи испаниёӣ бозӣ карданро дошт, зуд пешниҳодро қабул кард ва дастаи каталонӣ барои гузариши ӯ 45 млн. евро ба дастаи “Интер” пардохт намуд. Чун дар “Барселона” ситораҳое чун Месси, Хави ва Инеста бозӣ мекарданд, Ибрагимович натавонист ҳамчун футболбози ҳирфавӣ худро нишон диҳад ва дар ин миён муносибати Златан бо сармураббии вақти “Барселона” Хосеп Гвардиола бисёр сард гардида, байнашон пайваста ҷанҷоли лафзӣ сар мезад, ки ин омил футболбозро дилшикаста кард ва ба ҳамин хотир танҳо як мавсим дар “Барселона” фаъолият карду тамом.
МИЛАН
Пас аз хатми фаъолият дар “Барселона” Иброҳимович боз ба Италия, онҷое, ки шуҳрату шонро ба даст оварда буд, баргашт. Ин дафъа на ба “Ювентус”, балки ба дастаи дигари шуҳратёри Италия “Милан”. Акнун дар ҳайати сурху сиёҳпӯшон Златан бисёр хуб медурахшид ва ба гунае ном ба номи азимҷусса буд. Ӯ дар ҳайати “Милан” дар баробари бозии муҷаллояш инчунин бо ҷангу хархашааш бо рақибон ном бароварда буд. Қариб бозие набуд, ки ин ӯ нафареро лат накунад. Ба одати моҷароҷӯёнааш нигоҳ накарда, ӯ ҳамеша дар ҳайати аввалия баромад мекард ва дӯстдоштатарин бозингар барои мухлисони даста ба ҳисоб мерафт. Златан дар аввалин мавсими фаъолияташ дар “Милан” тавонист бо ҳамдастагонаш ҷоми серияи - А ро ба даст орад.
ПСЖ
Ҳунари волои футболбози шведӣ шайхони Арабро низ маҳбуби худ карда буд. Ҳамин буд, ки пас аз анҷоми шартнома бо “Милан” роҳбарияти дастаи “ПСЖ”-и Фаронса ба футболбоз шартномаи ҳамкорӣ пешниҳод кард. Арзиши трансферии Златанро дар ин мавсим 60 млн. доллар ташкил медод. Бе муболиға метавон гуфт, ки шуҳрату обрӯи дигарбораи Златан маҳз аз фаъолияти фавқулодааш дар “ПСЖ” вобаста аст. Ибрагимович аз соли 2013 то соли 2016, яъне се сол дар ин даста бозӣ намудааст.
Ӯ дар баробари дурахши олӣ доштан дар абардастаҳои Аврупо, инчунин дар ҳайати мунтахаби Шведсия низ бозингари асосӣ ва беҳамто буд. Дар ҳайати дастаи мунтахаб мухлисонаш ба ӯ унвони “Шоҳ”-и майдонро дода буданд.
Дар таърихи футбол ӯро ҳамчун бозингари дағалбозу ҳаромбоз мешинохтанд, вале дар як бозӣ ӯ ҳамаро ҳайрони худ кард. Баъди ба дарвозаи рақиб гол заданаш нимтани худро бадар кард, ки дар баданаш номи 50 кӯдаки дар Африқо аз гуруснагӣ мурда холкӯбӣ шуда буд, ки ин амал инсондӯсту меҳрубон будани ӯро нисбат ба насли инсоният нишон медод. Баъди ин амал обрӯву эътибораш байни мухлисон даҳчанд гардид ва сафи дӯстдоронаш низ афзун шуд.
Баъд аз хотимаи шартнома бо дастаи фаронсавии “ПСЖ” соли 2017 ба дастаи англисии “Манчестер Юнайтед” пайваст ва дар ин даста танҳо як сол фаъолият намуд. Соли 2018 бошад, деви футбол ба дастаи амрикоии “Лос-Анджелес Гэлакси” пайваста, тули ду мавсим дар он сӯйи уқёнус майдондорӣ намуда, соли 2020 боз ба дастаи орзуҳои хеш, яъне “Милан” баргашт ва то соли 2023 дар ин даста ҳунарнамоӣ намуда, ҳамин тавр корномаи варзишиашро дар ҳамин даста ба анҷом расонид.
ҲАЁТИ ШАХСӢ
Златанро аз рӯи сарват байни беҳтаринҳои футбол дар ҷойи чаҳорум қарор додаанд. Ӯ барои худ таваққуфгоҳи бузурги автомобилҳоро сохтааст, ки дорои чандин худравҳои гаронарзиш, ба мисли “Ферари Ф 430” бо арзиши 110 ҳаз доллар, “Ла-Ферари” бо арзиши 3 500 000 доллар, “Ферари Ензо” бо арзиши 2 млн. доллар ва дигар автомобилҳои беҳтарини ҷаҳон ин таваққуфгоҳро зеб медиҳанд.
Дар баробари автомобилҳои зебову гаронарзиш, инчунин футболбоз соҳиби чандин хонаҳои зебову барҳаво дар шаҳрҳои Малмё, Милан, Лондон ва Париж мебошад, ки арзишашон аз 3 млн. доллар зиёдтар мебошад.
Иброҳимович дар китоби ёддоштҳои худ “Ман Златан” қайд мекунад: “Ман бо ҳамсарам Хелена Сегер ба таври романтикӣ шинос шудем. Соли 2002 вақте ки мошинамро дар таваққуфгоҳ пеши “Мерсадес”-е гузошта будам, чун аз мағоза берун шудам, дидам духтараки хушқаду қомате бо асабоният аз нафарони дар атрофбуда соҳиби “Ферари”-и дар пеши мошинашбударо меҷӯяд.
Ман ҳам пеш омада, соҳиби “Ферари” буданамро фаҳмонидам, духтарак ба хашм амада, маро якчанд дашноми обдор дод. Ман бошам дар подошаш танҳо узр пурсидам. Ҳамин тавр, баъд аз ҷанҷол бо ҳам шинос шудем ва оила барпо кардем”.
Ҳоло Златан бо ҳамсараш Хелена зиндагии хушбахтона дошта, соҳиби ду писар бо номҳои Максимилиана ва Винсента мебошад.
Яҳё МАҲМАДНАБИЕВ, “ҶТ”
Златан Ибрагимович соли 1981 дар шаҳри Малмёи Шведсия, ки ҳамчун шаҳраки ҷинояткорон шинохта мешуд, дар оилаи диндорон ба дунё омадааст. Падари Златан Шафиқ Иброҳим пайрави дини ислом ва модараш Юрка Гравич пайрави дини насронӣ буданд. Шояд таассубҳои динии волидони бозингари оянда сабаб шуд, ки падару модари Златан ҳангоми 2 - сола буданаш аз ҳам ҷудо мешаванд. Ибрагимович зиндагии минбаъдаашро ҳамроҳи модар идома медиҳад. Модараш шубу рӯз кор мекард, то Златан ва хоҳараш Санеларо аз ҳар ҷиҳат таъмин намояд. Ҳарчанд дар хурдӣ аз падар ҷудо шуда бошад ҳам, аммо ӯро фаромӯш накард ва мунтазам ба аёдати падар мерафт ва ҳоло ҳам бо вай муносибати хубу самимӣ дорад.
Кӯдакиҳои Златан дар шаҳри Малмё гузаштааст. Шаҳре, ки аксар ҷавононаш дузду роҳзану кӯчагард буданд. Ин муҳит ба Златани наврас бетаъсир намонд ва ҷавониҳои ӯ низ бо шӯрапӯштиву мардумозорӣ гузаштааст.
ТАРКИ ОДАТ АМРИ МАҲОЛ
Тарки одат амри маҳол мегӯянд. Баъд аз бузург шудану футболбози ҳирфавӣ шуданаш ҳам баъзе одатҳои бадаш ба мисли ҷангҷӯиву занозанӣ дунболи ӯро раҳо намекарданд ва тақрибан дар ҳар бозӣ як футболбози рақибро латукӯб мекарду корти сурхи доварро рӯ ба рӯяш медид.
Златан аз хурдӣ ба варзиш шавқу ҳаваси беандоза дошт. Ҳанӯз дар овони 8 - солагӣ падараш ӯро ба дастаи наврасони “Балкан” бурда, аз мураббӣ хоҳиш мекунад, ки писарашро дар роҳи футбол тарбия кунад. Ҳамин тавр, фаъолияти футболбозии Иброҳимович маҳз аз ҳамин даста оғоз мегардад. “Ман медидам, ки чи гуна Роналдои бразилӣ дар майдон бозӣ макард ва ҳамеша орзу мекардам ба мисли ӯ футболбози хубу бомаҳорат гардам ва ба хотири эҳтиромаш тамоми ҳуҷраи хобамро бо расмҳои ӯ оро дода будам”, - менависад футболбоз дар дафтари хотироташ.
Дар баробари футбол, ӯ ба намуди варзиши якҳарбаҳои шарқӣ низ шавқу рағбат дошт ва дар овони ҷавонӣ аз рӯи ин намуди варзиш соҳиби камарбанди сиёҳ гардидааст.
МАЛМЁ
Пас аз бузург шудану дар байни наврасон шуҳрат ёфтан, акнун Златан ба ҳайати дастаи зодгоҳаш “Малмё” пайваст. Бози кардан дар “Малмё” орзуи деринаи футболбоз буд ва ӯ бо гузораи вақту фосилаи зиёд билохир ба орзуи худ расид. Ӯ дар ин даста зуд одат карда, дар кӯтоҳтарин вақт ба бозингари калидии даста мубаддал гардид. Акнун ҳамагон аз маҳорати фавқулодаи Иброҳимович мегуфтанду дар ҳама ҷо васфаш мекарданд.
Бозии хубу муҷаллояш дар “Малмё” боис гардид, ки абардастаҳои Аврупо ба ӯ таваҷҷуҳ намоянд. Хусусан мураббии номдори онвақтаи “Арсенал” Арсен Венгер бисёр мехост Златанро дар ҳайати дастааш бинад. Дар баробари “Арсенал” дастаи Ҳоландии “Аякс” низ муддаии асосии ин бачаи бомаҳорат буд. Билохира президенти дастаи “Аякс” Бен Хакер тавонист бо қарордоди аниқ ӯро ба дастаи хеш ҷалб намояд ва ӯ дар ин даста фаъолияташро таҳти рақами 9 оғоз намуд. Иброҳимович дар “Аякс” низ зуд одат карда, ҳамчун бозингари асосӣ шинохта мешуд ва бо ин дас-та соҳиби чандин ҷоизаҳо гардид.
АЯКС- ЮВЕНТУС
Златан аз соли 2001 ба ҳайати “Аякс” ворид гардида, се сол дар ин даста фаъолият намуд. Муваффақиятҳои Златанро дар дастаи ҳолландӣ дида “Ювентус” ба ӯ мароқ зоҳир намуд ва баъд аз ба охир расидани шартномаи сесола бо “Аякс” “Ювентус” ба истилоҳе “Деви” футболро бо арзиши 19 млн. евро харидорӣ намуд. Акнун Златан ба гунае Италияро ба ҷунбиш овард, ӯ дар ҳар бозӣ дарвозаи рақибонро голборон карда, дар як соли фаъолияташ 26 голро сабти номи хеш кард ва беҳтарин нишонзан байни лигеонерҳо дониста шуд.
Дар мавсими соли 2005-2006 ба истилоҳе кори Иброҳимович дар “Ювентус” омад накард. Ӯ дар 45 бозӣ танҳо 16 гол ба давозаи рақибон ворид карду халос. Ба нокомиҳои охирини Златан нигоҳ накарда, дастаи шоҳонаи “Реал” ба бозингар 70 млн. доллар пешниҳод кард, аммо дастаи итолиёвии “Ювентус” барои охирин имконият-ро додан ба варзишгар пешниҳоди “Реал”-ро рад кард ва “Дев”-и футбол тавонист як мавсими дигар дар Турин боқӣ монад.
ИНТЕР
Дар гузариши тобистонаи соли 2006 дастаи дигари итолиёви “Интер” бо пешниҳоди камтар аз “Реал”, яъне бо арзиши 25 млн. доллар Иброҳимовичро ба дастаи худ ҷалб намуд. Дар давоми шартномаи сесолааш бо “Интер” ӯ ба ситораи ҳақиқии футболи Аврупо табдил ёфт. Дар як мавсим 66 голро сабти номи хеш кард ва дар серияи “А” беҳтарин нишонзани сол эълон гардид. Маҳз бо шарофати Златан дастаи “Интер” дар мавсими солҳои 2008-2009 суперкубоки Италияро ба даст овард, ки ин натиҷа беҳтарин дастоварди футболбоз ба ҳисоб меравад.
БАРСЕЛОНА
Баъд аз хотимаи шартнома бо дастаи “Интер” бузургтарин дастаи “Барселона” ба Ибрагимович пешниҳоди ҳамкорӣ намуд, азбаски футболбоз орзуи дар ин дас-таи испаниёӣ бозӣ карданро дошт, зуд пешниҳодро қабул кард ва дастаи каталонӣ барои гузариши ӯ 45 млн. евро ба дастаи “Интер” пардохт намуд. Чун дар “Барселона” ситораҳое чун Месси, Хави ва Инеста бозӣ мекарданд, Ибрагимович натавонист ҳамчун футболбози ҳирфавӣ худро нишон диҳад ва дар ин миён муносибати Златан бо сармураббии вақти “Барселона” Хосеп Гвардиола бисёр сард гардида, байнашон пайваста ҷанҷоли лафзӣ сар мезад, ки ин омил футболбозро дилшикаста кард ва ба ҳамин хотир танҳо як мавсим дар “Барселона” фаъолият карду тамом.
МИЛАН
Пас аз хатми фаъолият дар “Барселона” Иброҳимович боз ба Италия, онҷое, ки шуҳрату шонро ба даст оварда буд, баргашт. Ин дафъа на ба “Ювентус”, балки ба дастаи дигари шуҳратёри Италия “Милан”. Акнун дар ҳайати сурху сиёҳпӯшон Златан бисёр хуб медурахшид ва ба гунае ном ба номи азимҷусса буд. Ӯ дар ҳайати “Милан” дар баробари бозии муҷаллояш инчунин бо ҷангу хархашааш бо рақибон ном бароварда буд. Қариб бозие набуд, ки ин ӯ нафареро лат накунад. Ба одати моҷароҷӯёнааш нигоҳ накарда, ӯ ҳамеша дар ҳайати аввалия баромад мекард ва дӯстдоштатарин бозингар барои мухлисони даста ба ҳисоб мерафт. Златан дар аввалин мавсими фаъолияташ дар “Милан” тавонист бо ҳамдастагонаш ҷоми серияи - А ро ба даст орад.
ПСЖ
Ҳунари волои футболбози шведӣ шайхони Арабро низ маҳбуби худ карда буд. Ҳамин буд, ки пас аз анҷоми шартнома бо “Милан” роҳбарияти дастаи “ПСЖ”-и Фаронса ба футболбоз шартномаи ҳамкорӣ пешниҳод кард. Арзиши трансферии Златанро дар ин мавсим 60 млн. доллар ташкил медод. Бе муболиға метавон гуфт, ки шуҳрату обрӯи дигарбораи Златан маҳз аз фаъолияти фавқулодааш дар “ПСЖ” вобаста аст. Ибрагимович аз соли 2013 то соли 2016, яъне се сол дар ин даста бозӣ намудааст.
Ӯ дар баробари дурахши олӣ доштан дар абардастаҳои Аврупо, инчунин дар ҳайати мунтахаби Шведсия низ бозингари асосӣ ва беҳамто буд. Дар ҳайати дастаи мунтахаб мухлисонаш ба ӯ унвони “Шоҳ”-и майдонро дода буданд.
Дар таърихи футбол ӯро ҳамчун бозингари дағалбозу ҳаромбоз мешинохтанд, вале дар як бозӣ ӯ ҳамаро ҳайрони худ кард. Баъди ба дарвозаи рақиб гол заданаш нимтани худро бадар кард, ки дар баданаш номи 50 кӯдаки дар Африқо аз гуруснагӣ мурда холкӯбӣ шуда буд, ки ин амал инсондӯсту меҳрубон будани ӯро нисбат ба насли инсоният нишон медод. Баъди ин амал обрӯву эътибораш байни мухлисон даҳчанд гардид ва сафи дӯстдоронаш низ афзун шуд.
Баъд аз хотимаи шартнома бо дастаи фаронсавии “ПСЖ” соли 2017 ба дастаи англисии “Манчестер Юнайтед” пайваст ва дар ин даста танҳо як сол фаъолият намуд. Соли 2018 бошад, деви футбол ба дастаи амрикоии “Лос-Анджелес Гэлакси” пайваста, тули ду мавсим дар он сӯйи уқёнус майдондорӣ намуда, соли 2020 боз ба дастаи орзуҳои хеш, яъне “Милан” баргашт ва то соли 2023 дар ин даста ҳунарнамоӣ намуда, ҳамин тавр корномаи варзишиашро дар ҳамин даста ба анҷом расонид.
ҲАЁТИ ШАХСӢ
Златанро аз рӯи сарват байни беҳтаринҳои футбол дар ҷойи чаҳорум қарор додаанд. Ӯ барои худ таваққуфгоҳи бузурги автомобилҳоро сохтааст, ки дорои чандин худравҳои гаронарзиш, ба мисли “Ферари Ф 430” бо арзиши 110 ҳаз доллар, “Ла-Ферари” бо арзиши 3 500 000 доллар, “Ферари Ензо” бо арзиши 2 млн. доллар ва дигар автомобилҳои беҳтарини ҷаҳон ин таваққуфгоҳро зеб медиҳанд.
Дар баробари автомобилҳои зебову гаронарзиш, инчунин футболбоз соҳиби чандин хонаҳои зебову барҳаво дар шаҳрҳои Малмё, Милан, Лондон ва Париж мебошад, ки арзишашон аз 3 млн. доллар зиёдтар мебошад.
Иброҳимович дар китоби ёддоштҳои худ “Ман Златан” қайд мекунад: “Ман бо ҳамсарам Хелена Сегер ба таври романтикӣ шинос шудем. Соли 2002 вақте ки мошинамро дар таваққуфгоҳ пеши “Мерсадес”-е гузошта будам, чун аз мағоза берун шудам, дидам духтараки хушқаду қомате бо асабоният аз нафарони дар атрофбуда соҳиби “Ферари”-и дар пеши мошинашбударо меҷӯяд.
Ман ҳам пеш омада, соҳиби “Ферари” буданамро фаҳмонидам, духтарак ба хашм амада, маро якчанд дашноми обдор дод. Ман бошам дар подошаш танҳо узр пурсидам. Ҳамин тавр, баъд аз ҷанҷол бо ҳам шинос шудем ва оила барпо кардем”.
Ҳоло Златан бо ҳамсараш Хелена зиндагии хушбахтона дошта, соҳиби ду писар бо номҳои Максимилиана ва Винсента мебошад.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед