Беҳрӯз Хоҷазода варзишгари номошнои кишвар дар риштаи ҷудо зери вазни то 73 кг дар Бозиҳои Осиёии Ҳангжоу соҳиби медали биринҷии мусобиқа гардид, ки ин нахустин нишони варзишгарони кишвар аз ин мусобиқа мебошад.

Беҳрӯз Хоҷазода дар даври аввали Бозиҳои Осиёи Ҳангжоу -2022 бар ҷудокори Филиппин - Накано Кейсей бо имтиёзи иппон ғалаба карда, ба даври чаҳорякниҳоӣ баромад. Дар даври чаҳорякниҳоӣ Хоҷазода бар Данияр Шамшаеви қазоқ бо имтиёзи вазарӣ зафар ёфта, дар даври ниманиҳоӣ бо Соичи Ҳашимотои ҷопонӣ гӯштин гирифт.

Дар даври ниманиҳоӣ Хоҷазода аз Соичи Ҳошимотои ботаҷриба бо як имтиёзи вазарӣ мағлуб шуда, нисфирӯзии имрӯз барои нишони биринҷӣ муқобили Кингдага аз Чин мубориза бурда, соҳиби нишони биринҷи гардид.

Я. МАҲМАДНАБИЕВ, "ҶТ"