Беҳрӯз Хоҷазода, ҷудокори тоҷик дар мусобиқаи навбатии Гран Слам, ки аз 1-ум то 3-юми марти соли ҷорӣ дар шаҳри Тошканди Узбекистон баргузор мегардад, иштирок нахоҳад кард.

Дар ин бора Федератсияи ҷудои Тоҷикистон иттилоъ додааст.

Бино ба гуфти манбаъ, номбурда дар рафти тамринҳо осеб бардоштааст ва ба ҳамин сабаб дар мусобиқаи мазкур ширкат нахоҳад кард. 

Дар “Tashkent Grand Slam – 2024” аз тими мунтахаби Тоҷикистон 16 нафар варзишгар номнавис шуда буданд.

Ҳошим РАҲМАТУЛЛОЕВ, “ҶТ”