Дар Чемпионати ҷаҳон оид ба гӯштини ҷудо байни ҷавонон, ки аз 2 то 6 октябри соли 2024 дар шаҳри Душанбе баргузор мегардад, дар он 25 нафар ҷудокори тоҷик аз ҳайати мунтахаби Тоҷикистон баромад хоҳанд кард.

Дар ин хусус Федератсияи ҷудои кишвар хабар медиҳад.

Шуруъ аз 2 то 6 октябри соли 2024 дар шаҳри Душанбе Чемпионати ҷаҳон оид ба гӯштини ҷудо байни ҷавонон баргузор хоҳад шуд, ки дар он дастаи мунтахаби Тоҷикистон дар ҳайати 25 нафар иштирок мекунад.

Ба иттилои манбаъ дар Чемпионат варзишгарони аз 21-сола боло имкони иштирок карданро надоранд. Тибқи иттилоъ, то имрӯз барои иштирок дар чемпионат 422 варзишгар (227 мард, 195 зан) аз 58 давлат номнавис шудаанд.

Ғолибону ҷоизадорони Чемпионати ҷаҳон оид ба гӯштини ҷудо байни ҷавонон дар баробари медал, инчунин бо ҷоизапулӣ сарфароз мегарданд.

Ёдовар мешавем, ки ин чемпионат дар асоси қарори раиси шаҳри Душанбе муҳтарам Рустами Эмомалӣ барои нахустин бор баргузор мешавад. Мақсад аз он ташвиқу тарғиби тарзи ҳаёти солим, таъмини оммавияти варзишу солимгардонӣ, рушди варзиши мамлакат, аз ҷумла гӯштини ҷудо, дарёфти варзишгарони ҷавону ояндадор ва болоравии минбаъдаи шарафи варзиши Тоҷикистон мебошад.

Шаҳодат ХОЛОВА, “ҶТ”