10 август бо ташаббуси Раёсати кор бо ҷавонон ва варзиши шаҳри Душанбе бахшида ба Рӯзи варзишгарон дар муасссисаи давлатии “Душанбе Плаза” чорибинии хотирмон баргузор гардида, дар он собиқадорон, варзишгарони маъруфи шаҳри Душанбе ва ҷоизадорону ғолибони мусобиқаҳои варзишии сатҳи ҷумҳуриявию байналмилалӣ иштирок намуданд.

Раҳимзода Шоҳзод, сардори Раёсати кор бо ҷавонон ва варзиши шаҳри Душанбе чорабиниро оғоз бахшида, ҷавонону варзишгарони пойтахтро ба ин санаи муҳим табрик намуда, иброз дошт: “Боиси ифтихор аст, ки дар натиҷаи ба даст овардани Истиқлолияти давлатии Ҷумҳурии Тоҷикистон ва ба тавсиб расидани Созишномаи истиқрори сулҳ соҳаи тарбияи ҷисмонӣ ва варзиш дар маркази таваҷҷуҳи бевоситаи Президенти Ҷумҳурии Тоҷикистон муҳтарам Эмомалӣ Раҳмон қарор гирифта, сол то сол дастовардҳои варзишгарону мураббиёни тоҷик меафзояд”.

Дар идома инчунин собиқадори соҳаи варзиш Шамсиев Мирзо, аввалин дорандаи роҳхати Бозиҳои олимпии “Токио-2021” Баҳодур Усмонов ва Дилшод Назаров, варзишгар дар риштаи гурзандозӣ ҳозиринро ба муносибати иди варзишгарон табрик намуданд.

Дар охир, бахшида ба Рӯзи варзишгарони Тоҷикистон собиқадорони соҳаи варзиш ва мураббиёну роҳбариятҳои мактабҳои варзишӣ дар шаҳр бо туҳфа ва ифтихорномаҳо сарфароз гардонида шуданд.

Садбарг СУЯРОВА, “ҶТ”