Дилшод Ҷӯразода, ноиби Президенти Федератсияи футболи Тоҷикистон аз соҳибкорони тоҷик даъват ба амал овард, то футзалбозони Тоҷикистонро, ки ба даври нимниҳоии Ҷоми Осиё 2024 роҳ ёфта, ба ин васила барои аввалин бор дар таърихи Тоҷикистон роҳхат ба Ҷоми ҷаҳон 2024 -ро соҳиб шуданд, аз ҷиҳати молиявӣ дастгирӣ ва қадрдонӣ кунанд.

- Ҳамаи мо ифтихор дорем аз дастаи милии футзаламон! Агар касе хоҳиши ба футзалбозони мо таваҷҷуҳ кардан дошта бошад, ман ҳамчун шахси масъули ин соҳа дар футбол бо омодагӣ кӯмак мекунам,- гуфтааст, Ҷӯразода дар шабакаҳои иҷтимоӣ.

Ба иттилои баъзе аз манбаъҳо худи Ҷӯразода иқдом гирифтаст, ки барои корнамоии футзалбозони кишвар 100 ҳазор доллар кумак расонад, ки аз ин миқдор маблағ 50 ҳазор барои баромадан аз гурӯҳ ва 50 ҳазор барои роҳ ёфтан ба ҷоми ҷаҳони футзал ҷудо мегардад.

Яҳё МАҲМАДНАБИЕВ, “ҶТ”