Дар чемпионати ҷаҳон оид ба самбо миёни наврасон ва ҷавонон, ки 12-14 октябр дар шаҳри Тбилисии Гурҷистон доир гашт, ду варзишгари тоҷик соҳиби медали биринҷӣ гардиданд.

Медалҳоро Аминҷон Холов дар вазни -48 кило ва Сомон Сангов дар вазни -52кило миёни ҷавонон ба даст оварданд.

Тоҷикистонро дар ин мусобиқа 10 варзишгар – Анушервон Шарифзода (-48кило), Саидраҳмон Абдуллоев (-60кило), Разавӣ Навбаҳоров (-65кило), Шердил Алмосов (-75кило) миёни наврасон, Аминҷон Холов (-48кило), Сомон Сангов (-52кило), Олим Назриев (-62кило), Субҳон Юсуфов (-68кг), Амирҷони Насимҷон (-100кило) ва Шарифҷон Назриев (+100кило) миёни ҷавонон муаррифӣ намуданд. 

Ба иттилои Кумитаи миллии олимпии кишвар дар мусобиқа беш аз 250 варзишгар аз 36 кишвари дунё иштирок карданд.